Cichanoŭskaja: 2 krasavika režym adznačaje samaje cyničnaje śviata
Demakratyčnaja lidarka prakamientavała tak zvany Dzień jadnańnia narodaŭ Biełarusi i Rasii, što aficyjna adznačajecca ŭ dźviuch krainach siońnia.
«2 krasavika režym adznačaje ledź nie samaje cyničnaje tak zvanaje śviata — «Dzień jadnańnia Biełarusi i Rasii». Tolki praŭda ŭ tym, što hetaje «jadnańnie» — tolki šylda, za jakoj usio zaŭsiody vyhladaje nastupnym čynam: pavolnaje źniščeńnie našaj identyčnaści i niezaležnaści», — kaža jana.
«U Kramli lubiać paŭtarać adnoje i toje ž: «my adzin narod». Ale ž čamuści mienavita «ruski». Dla ich biełaruskaja mova prosta dyjalekt ruskaj. Našaja samabytnaja kultura — viaskovy kałaryt, sapraŭdnaja historyja — tolki nievialički dadatak da ich pierapisanaj i ŭsieahulnaj «vialikaj i ruskaj». Hety sajuz nikoli nie razhladaŭsia Rasijaj jak roŭny, bo rabiŭsia dziela pavolnaha źniščeńnia našaj identyčnaści i niezaležnaści. Kab potym prosta rastvaryć Biełaruś u «ruskim śviecie», ab jakim tak marać. Jak skazaŭ Karał Haŭličak-Boraŭski — ruskija časta nazyvajuć usio ruskaje «słavianskim», kab potym nazvać usio słavianskaje «ruskim».
Ale ž biełaruskaja historyja nie rasijskaja. Jana jeŭrapiejskaja: Statut VKŁ, harady z mahdeburhskim pravam, Skaryna, našyja škoły, litaratura, tradycyja samakiravańnia. Ničoha ahulnaha z tym, kab być prosta «małodšym bratam».
Toje, što siońnia Rasija paŭsiul u Biełarusi — nie siabroŭstva, a košt, jaki Alaksandr Łukašenka 30 hadoŭ płacić z kišeni biełarusaŭ, kab jamu dapamahali ŭtrymlivać uładu.
Adnak za heta biełarusy płaciać svajoj biaśpiekaj, suvierenitetam, budučyniaj. Biełarusam nie patrebnaje takoje jadnańnie. Nam patrebnaja Biełaruś, jakaja sama vyrašaje, kudy iści, z kim siabravać i jak žyć. Biełaruś, dzie pavažajuć našuju movu, naš vybar i našuju hodnaść.
My — hodny narod Biełarusi, i nikoli nie budziem małodšymi bratami. Bo my viedajem, chto my jość», — zaznačyła Śviatłana Cichanoŭskaja.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary