Praŭładnaja śpiavačka praśpiavała na chakiejnym matčy «Biełoruśsija» — i atrymała zasłužanuju tonu chiejtu
Pierad pačatkam pieršaha matču adnoj čaćviortaj Kubka Haharyna ŭ Minsku vystupała biełaruskaja śpiavačka Nastaśsia Kraŭčanka. Ludziej aburyła, što ŭ jaje pieśni było čuvać «Biełoruśsija».
Pierad tym, jak na lodzie źjavilisia kamandy «Dynama-Minsk» i «Ak Bars», tudy na kabryjalecie z čyrvona-zialonymi ściahami vyjechała Nastaśsia Kraŭčanka. Jana śpiavała pieśniu ŭ padtrymku biełaruskaj kamandy.
U publiki ŭźnikli vialikija pytańni da prypievu, kancoŭku mnohija pačuli tak:
«Za Dinamo-Minsk bolejet vsia strana
Biełoruśsija».
Toje, nakolki heta kryŭdnaja situacyja, biełarusy pačali aktyŭna abmiarkoŭvać u Threads.
«Kraŭčanka, dyk jašče i Biełoruśsija, kroŭ z vušej! Fu».
«Biełarusy, spytajem paśla chakieju ŭ Kraŭčanki, ź jakoha momantu Biełaruś stała Biełoruśsijej?! Hańba prosta».
Abmiarkoŭvali i toje, što, pakul usie astatnija biełarusy pieravučvajuć rasijan kazać «Biełoruśsija», praŭładnaja śpiavačka na vialikim mierapryjemstvie praśpiavała mienavita saviecki varyjant nazvy krainy.
Niechta ŭžo navat žartuje, što hetaje videa nieabchodna zachavać usim rasijanam i publikavać padčas luboj sprečki vakoł Biełarusi: «Možna było b lohka zamianić na «Biełaruś maja». Rasijanie zaraz raściahnuć temu na «voś bačycie, sami ŭ siabie tam spačatku raźbiaryciesia». A razumnyja ludzi daŭno razabralisia… Kałhas, tak».
Praŭda, niekatoryja pišuć, što treba prysłuchacca i pačuć «Biełaruś i ja». Ale jany ŭ absalutnaj mienšaści, Kraŭčanka zanadta vyrazna raściahvała «ssss».
Darečy, Nastaśsia Kraŭčanka — cikavy piersanaž na biełaruskaj estradzie. Dziaŭčyna, jakaja zajmałasia muzykaj i maryła pra scenu, u 2020 hodzie pastupiła ŭ Instytut teałohii BDU. Čamu i navošta, i sama nie mahła ŭciamna rastłumačyć.
Dziaŭčyna prymała ŭdzieł u pieršym siezonie biełaruskaha šou «Faktar.by». Ale papularnaj stała paśla taho, jak praśpiavała pieśniu «Ramonki» na rasijskim šou «Zalataj u trendy», a potym vykłała ŭ tyktoku niekalki ŭryŭkaŭ vystupu. Prypieŭ zavirusiŭsia, šmat chto pačaŭ zdymać videa pad hetu muzyku — a roliki Nastaśsi nabrali miljony prahladaŭ.
Paśla hetaha Nastaśsiu paklikali pracavać viadoŭcaj na BT. Jana raspaviadała, što maryć raźmierkavacca tudy. Jak heta mahčyma z dypłomam teołaha, nie vielmi zrazumieła, ale ž, zdajecca, varyjanty znajšlisia.
Ciapier maładuju śpiavačku aktyŭna vykarystoŭvajuć u roznych ideałahičnych mierapryjemstvach jak u Biełarusi, tak i ŭ Rasii.
Nasta Kraŭčanka raspaviała, što pakłońniki prypisvajuć joj love story ź pieramožcam «Interbačańnia»
Biełaruś na «konkursie biez vyčvarenstvaŭ» pradstavić Naścia Kraŭčanka
Zinaida Furor, Nasta Kraŭčanka, Hierman Citoŭ: chto zastaŭsia na biełaruskaj estradzie paśla čystak?
Studentka Instytuta teałohii BDU stała viadučaj na BT i choča tudy raźmierkavacca
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Tak što, nie kryvadušničajcie. Vy adnolkavyja.