Biełaruś na «konkursie biez vyčvarenstvaŭ» pradstavić Naścia Kraŭčanka
Konkurs «Interbačańnie» zadumany jak adkaz «Jeŭrabačańniu», ad udziełu ŭ jakim adchilenyja Biełaruś i Rasija.
Biełaruś na konkursie «Interbačańnie» pradstavić 21-hadovaja Naścia Kraŭčanka, piša Tochka.by.
Pakul nieviadoma, jakuju mienavita pieśniu jana vykanaje. Viadomaść hetaj śpiavačcy prynios trek pad nazvaj «Ramaški». U tvorčaj karjery 21-hadovaj śpiavački mnostva roznych biełaruskich muzyčnych uznaharod. Taksama ŭ jaje jość sumiesny trek z Alaksandram Saładucham.
Ciapier Nasta — aktyŭnaja ŭdzielnica prapahandysckich mierapryjemstvaŭ. Jana taksama razam ź inšymi ideałahična nadziejnymi artystami śpiavała pieśniu «Nado!», kab padtrymać Łukašenku na prezidenckich vybarach 2025 hoda.
Konkurs «Interbačańnie» zadumany jak adkaz «Jeŭrabačańniu», ad udziełu ŭ jakim adchilenyja Biełaruś i Rasija. Jon pavinien prajści ŭ vieraśni. Tak ministr zamiežnych spraŭ Rasii Siarhiej Łaŭroŭ skazaŭ, što konkurs projdzie biez vyčvarenstvaŭ.
Rasiju na konkursie budzie pradstaŭlać Shaman (Jarasłaŭ Dronaŭ) — samy viadomy rasijski Z-śpiavak.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary