Upieršyniu z pačatku vajny ŭkrainskija bieśpiłotniki dasiahnuli Jekaciarynburha. Ranicaj 25 krasavika horad padvierhsia atacy dronaŭ, paviedamiŭ hubiernatar Śviardłoŭskaj vobłaści Dzianis Paśler.
Adzin ź bieśpiłotnikaŭ trapiŭ u žyły šmatpaviarchovik u centry horada. U vyniku paškodžanyja kvatery na vierchnich pavierchach, vybity vokny, častka fasada i abłomki raźlacielisia vakoł budynka. Pavodle aficyjnych dadzienych, šeść čałaviek źviarnulisia pa miedycynskuju dapamohu ź lohkim atručvańniem praduktami hareńnia, adna žančyna była špitalizavanaja. Žycharoŭ doma evakujavali.
Śviedki paviedamlajuć pra mocny vybuch, paśla jakoha źjaviŭsia čorny dym i połymia na vierchnich pavierchach. Pry hetym papiaredžańniaŭ pra niebiaśpieku, jak śćviardžajecca, nie było.
Adznačajecca, što pobač z paškodžanym domam niama vidavočnych vajskovych abjektaŭ. Adnak niepadalok znachodziacca administracyjnyja i siłavyja budynki, a taksama pradpryjemstva «Viektar», jakoje ŭvachodzić u abaronny kancern «Ałmaz-Antej» i zajmajecca vajskovaj suviaźziu. Pavodle niekatorych źviestak, mienavita jano mahło być mahčymaj cellu ataki.
Jekaciarynburh znachodzicca bolš čym za 2000 kiłamietraŭ ad ukrainskaj miažy, tamu hety ŭdar staŭ adnym z samych dalokich. Paśla incydentu žychary skardzilisia na prablemy ź internetam i zatrymki avijarejsaŭ. Aeraport horada časova zakryvali.
U toj ža dzień ataki bieśpiłotnikaŭ byli zafiksavanyja i ŭ Čalabinskaj vobłaści, ale tam abyšłosia biez achviar i razbureńniaŭ. Rasijskaje Ministerstva abarony zajaviła, što nočču sistemy supraćpavietranaj abarony źniščyli bolš za sotniu dronaŭ u roznych rehijonach krainy.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary