«Užo ŭ SIZA». Za žachlivy padziež cialat na Homielščynie aryštavali kiraŭnika haspadarki
Pad videakamierami staršynia Dziaržkantrolu dałažyŭ Łukašenku pra aryšt kiraŭnika haspadarki, dzie zahinuli cialaty. Haspadarku nie nazvali.
Jašče 24 krasavika, padčas vizitu ŭ Mazyrski rajon, Łukašenka pakazaŭ staršyni Homielskaha abłvykankama Ivanu Krupko fatazdymki ź miesca hibieli cialat u Rahačoŭskim rajonie. Hetyja materyjały byli pieradadzieny jamu Dziaržkantrolem.
«Heta nazyvajecca žach. Ja razumieju, što ŭ asobnych miescach jany kancentrujuć niehatyŭ. Ale heta bolš, čym kryminalnaja sprava», — zajaviŭ jon tady.
Padčas pajezdki ŭ Pietrykaŭski rajon 26 krasavika Łukašenka viarnuŭsia da hetaj temy: «Hiektar ziamli, i na pavierchni valajucca zahinułyja cialaty», — zhadaŭ jon pabačanaje na zdymkach.
Staršynia Kamiteta dziaržkantrolu dałažyŭ, što kiraŭnik haspadarki, dzie adbyłosia zdareńnie i jakaja nie nazyvałasia, užo zatrymany.
«Užo ŭ SIZA», — dałažyŭ Vasil Hierasimaŭ.
«U SIZA — pravilna zrabiŭ. Heta ž biazładździe. Ja chacieŭ žurnalistam pakazać tolki adnu fatahrafiju. Jany prytomnaść zhubiać, asabliva haradskija», — dadaŭ Łukašenka.
Łukašenka pastaviŭ zadaču bolš aktyŭna raźvivać miasnuju žyviołahadoŭlu i zabiaśpiečyć strohi kantrol za ŭmovami ŭtrymańnia žyvioły.
«Treba bolš aktyŭna heta raźvivać. Kali jość rynak… A jon budzie, — skazaŭ Łukašenka pra vyroščvańnie bujnoj rahataj žyvioły miasnych parod. — Popyt budzie».
Pavodle jaho słoŭ, u śviecie raście popyt i na pradukty charčavańnia, i na ŭhnajeńni, a razam z hetym pavyšajucca i ceny.
«Naš čas, pa-mojmu, prychodzić. I my nie darma ŭkładvali ŭ sielskuju haspadarku», — dadaŭ jon.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Heta siodnia chałuj u SIZA, zaŭtra na novaj pasadzie.