Na Džordžu Miełoni zrabili eratyčny dypfejk. Jana adkazała ź ironijaj
Premjer-ministarka Italii Džordža Miełoni stała achviaraj čarhovaha dypfejku z vykarystańniem štučnaha intelektu.
Nieviadomy apublikavaŭ vyjavu palityka ŭ eratyčnaj bialiźnie, supravadziŭšy podpisam, što kiraŭnica ŭrada «nie maje soramu» i pakazvacca ŭ takim vyhladzie «sapraŭdy haniebna».
Nasamreč vyjava była falšyŭkaj: sapraŭdnym na joj byŭ tolki tvar palityka.
Miełoni adkazała niečakana. Jana sama zrabiła repost hetaj vyjavy, pry hetym jana zachavała pačućcio humaru.
«Treba pryznać, što toj, chto zrabiŭ hetuju padrobku, prynamsi ŭ hetym vypadku, značna mianie palepšyŭ», — napisała premjer-ministarka.
Ale Miełoni padkreśliła, što padobnyja technałohii źjaŭlajucca niebiaśpiečnym instrumientam, zdolnym manipulavać mierkavańniem čałavieka. Jana zaklikała internet-karystalnikaŭ da krytyčnaha myśleńnia ŭ sacsietkach: «Praviarać, pierš čym vieryć, i vieryć, pierš čym dzialicca».
Italija stała pieršaj krainaj Jeŭrasajuza, jakaja pryniała kompleks praviłaŭ pa abychodžańni sa štučnym intelektam. Zaraz padobnyja zakanadaŭčyja akty abmiarkoŭvajucca i ŭ inšych krainach ES. Hałoŭnaja dylema dla zakanadaŭcaŭ zastajecca raniejšaj: jak abmiežavać raspaŭsiud škodnych dypfejkaŭ, nie parušyŭšy pry hetym svabodu słova i prava na palityčnuju karykaturu.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
na Kačanavu?