Daŭhi na ahulnuju sumu ŭ 740 tysiač rubloŭ treba pahasić u čatyry čerhi.
U Ekanamičnym sudzie Mahiloŭskaj vobłaści zaviaršyli spravu bujnoj miasapierapracoŭčaj kampanii «Barskaje miasa plus». Infarmacyja źjaviłasia na sajcie Adzinaha dziaržrejestra źviestak ab bankructvie, piša «Točka».
Pradstaŭniki kampanii źviarnulisia ŭ sud vosieńniu 2025-ha, kab zapuścić praceduru bankructva. Praz paŭhoda sud pryniaŭ rašeńnie ab zaviaršeńni likvidacyjnaj vytvorčaści zavoda.
Jak vyśvietliłasia ŭ pracesie skasavańnia kampanii, jaje ŭładalnik maje daŭhi pierad kredytorami, ź jakimi nie tak prosta raźličycca. Z dakumienta vynikaje, što ŭ kiraŭnika kampanii niama aŭto ci nieruchomaści.
U toj ža čas jon pierapłaciŭ u biudžet bolš za 17 tysiač rubloŭ. Hetaja suma była adklikanaja i nakiravana na vypłatu zarobkaŭ rabotnikam vytvorčaści.
Daŭhi na ahulnuju sumu ŭ 740 tysiač rubloŭ treba pahasić u čatyry čerhi.
Kampanija «Barskaje miasa plus» pracavała z 2020 hoda ŭ Mahiloŭskaj vobłaści i zajmałasia vytvorčaściu kaŭbas i inšaj miasnoj pradukcyi. Na sajcie paznačana, što firma vałodała piaćciu firmovym kramami.
Raniej stała viadoma ab likvidacyi vytvorčaści ŭ Bresckaj vobłaści. U siaredzinie lutaha była raspačataja sprava ab bankructvie supolnaha biełaruska-polskaha pradpryjemstva «Trakob».
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary