Hramadstva 23 23

Nashaniva.com

11.05.2026 / 10:14

U Polščy rychtujuć maštabnyja źmieny ŭ atrymańni hramadzianstva

Urad krainy płanuje ŭzmacnić praviły atrymańnia polskaha hramadzianstva.

U MUS krainy zajavili, što hramadzianstva pavinna być «pryvilehijaj, jakuju treba zasłužyć», piša telehram-kanał «Biełarusy ŭ Polščy».

Siarod prapanavanych źmien:

— abaviazkovy ekzamien na hramadzianstva — test z pryblizna 40 pytańniaŭ na viedańnie historyi, kaštoŭnaściej i zakonaŭ Polščy, a taksama ŭzroŭniu intehracyi ŭ hramadstva.

— padpisańnie akta łajalnaści da polskaj dziaržavy,

— vysoki ŭzrovień vałodańnia polskaj movaj — nie nižej za B2,

— minimum 8 hadoŭ pražyvańnia ŭ Polščy,

— najaŭnaść polskaha padatkovaha rezidenctva.

U MUS tłumačać, što meta reformy — pavysić status polskaha hramadzianstva i ŭstalavać vyraznyja patrabavańni dla tych, chto poŭnaściu intehravaŭsia ŭ polskaje hramadstva.

Na fonie abmierkavańniaŭ praciahvajucca i palityčnyja sprečki. Raniej prezident Polščy Naŭrocki prapanavaŭ ułasny prajekt, zhodna ź jakim minimalny termin bieśpierapynnaha pražyvańnia dla atrymańnia hramadzianstva pavinien być pavialičany z 3 da 10 hadoŭ.

U kancy krasavika 2026 hoda apazicyjnaja partyja «Zakon i spraviadlivaść» uniesła na razhlad zakonaprajekt, jaki praduhledžvaje kardynalnaje ŭzmacnieńnie praviłaŭ atrymańnia hramadzianstva dla zamiežnikaŭ.

Prapanujecca «nulavaja talerantnaść» da chulihanskich pravaparušeńniaŭ i parušeńniaŭ hramadskaha paradku z boku zamiežnikaŭ. Za paŭtornaje padobnaje parušeńnie prapanujuć aŭtamatyčna departavać parušalnika.

Apazicyja choča ŭvieści nastupnyja ŭmovy atrymańnia hramadzianstva dla zamiežnikaŭ:

— pavialičany minimalny termin asiełaści pry naturalizacyi — 10 hadoŭ zamiest ciapierašnich troch;

— pavialičany termin dla asob, jakija znachodziacca ŭ šlubie z hramadzianinam Polščy — šeść hadoŭ zamiest troch;

— pavialičany termin bieśpierapynnaha pražyvańnia dla asob z polskimi karaniami i Kartaj palaka — piać hadoŭ zamiest adnaho hoda;

— abaviazkovaje viedańnie polskaj movy na ŭzroŭni C1 zamiest siaredniaha B1;

— zdača śpiecyjalnaha dziaržaŭnaha ekzamienu na viedańnie polskaj kultury i historyi.

Čytajcie jašče

Kamientary23

Indrid Cold

11.05.2026

Law and Justice? Prawo i Sprawiedliwość :)
Bolšaść ludziej pryjduć hety test biez prablemaŭ. A kali ty turyst - nu tady ciabie hramadzianstva nie patrebnaje.
%

11.05.2026

Na Biełarusi usich tych prablemaŭ, jakija pieraličany ŭ palakaŭ, nie isnuje - ni movy, ni kultury, ni historyi. Zdolny dva słova russkim jazykom vymavić nu i matam viadoma - zalik pa movie: vyznaješ bałałajku i kakošni za nacyjanalnuju srepku - zalik pa kulturie: viedaješ chto Stalina i jaho cudoŭnaje kiravańnie - zalik pa historyi. Trymaj sini pašpart.
Fiedia

11.05.2026

S, davno było pora polakam eto sdiełať, nabiłoś v ES vsiakoj vaty. Rabotať, płatiť nałohi i priekrasno žiť v Polšie možno i s VNŽ. Hłavnoje viesti siebia prilično i nie stučať v čužoj dom svoim sapohom

Ciapier čytajuć

Zaŭtra ŭžo +25°C, ale potym stanie krychu chaładniej

Pryznačany novy namieśnik Kačanavaj

Narviežski pieršakłaśnik znajšoŭ mieč vikinhaŭ uzrostam 1300 hadoŭ padčas zvyčajnaj školnaj ekskursii

Maryna Zołatava — ZŠA, ES: Kali łaska, nie spyniajciesia!4 4