Hałoŭny dypłamat ES zajaviła, što Rasija, ZŠA i Kitaj prytrymlivajucca palityki «padzialaj i ŭładar» u dačynieńni da Jeŭrasajuza.
Rasija, ZŠA i Kitaj zacikaŭlenyja ŭ raźjadnanaj Jeŭropie. Pra heta zajaviła viarchoŭny pradstaŭnik ES pa zamiežnych spravach i palitycy biaśpieki Kaja Kałas, pra što ŭ niadzielu, 17 maja, napisała DW.
«Čamu hetyja dziaržavy chočuć razburyć Jeŭrapiejski sajuz? Tamu što razam my značna macniejšyja», — zajaviła jana na kanfierencyi ŭ Talinie.
«Jany nie lubiać Jeŭrapiejski sajuz, heta całkam zrazumieła», — dadała Kałas.
«Ale my pavinny zrazumieć, čamu jany nie lubiać ES; čamu Kitaj nie lubić ES, čamu Rasija nie lubić. Heta źviazana z tym, što kali my trymajemsia razam, kali my dziejničajem supolna, to my źjaŭlajemsia roŭnymi siłami, my mocnyja», — padkreśliła viarchoŭny pradstaŭnik ES.
Kałas adznačyła, što, «viadoma, praściej» mieć spravu z asobnymi krainami, jakija značna mienšyja pa pamiery, čym z błokam, zdolnym dziejničać jak raŭnapraŭnaja siła.
Pavodle jaje słoŭ, rytoryka ŭ duchu «ŭ mianie z vami vydatnyja adnosiny, ale ja nie lublu Jeŭrapiejski sajuz» — źjaŭlajecca častkaj stratehii ZŠA «padzialaj i ŭładar».
Kałas zaklikała krainy Jeŭrasajuza nie asłablać błok
U hetaj suviazi kiraŭnica źniešniepalityčnaj słužby ES Kaja Kałas zaklikała krainy sajuza nie asłablać błok, zaklučajučy dvuchbakovyja pahadnieńni z Vašynhtonam. «Ja vielmi zaniepakojenaja, tamu što časam baču, jak niekatoryja krainy iduć pa hetym šlachu. Padzieł sapraŭdy pracuje», — ličyć Kaja Kałas.
Z pačatku druhoha terminu Donalda Trampa šerah krain ES imknulisia zachavać ułasnyja kanały suviazi z Vašynhtonam, nahadała Politico. Pry hetym, da prykładu, premjer-ministr Italii Džordža Miełoni pazicyjanavała siabie ŭ jakaści patencyjnaha pasiarednika pamiž Jeŭropaj i ZŠA, pakul hetaja stratehija nie pravaliłasia va ŭmovach krytyki Trampam papy rymskaha Lva XIV.
Deputatka, jakaja rychtuje pryhažuń dla Łukašenki, vyjšła zamuž23
Kamientary
Nam treba być razam i być macniej."
Cikava, čyja hetyja słovy? Voś nie čakaŭ takoj tannaj rytoryki ad Kai. Moža šmat muža słuchaje? :)