Расійская разведка сцвярджае, што Украіна рыхтуе ўдары па Расіі з тэрыторыі Латвіі. Масква рыхтуе правакацыі, якіх яшчэ не бывала?
У заяве Службы замежнай разведкі Расіі пералічваюцца пяць латвійскіх вайсковых баз.
Кіеў плануе запускаць беспілотнікі па тылавых расійскіх рэгіёнах з тэрыторыі краін Балтыі, заявіла Служба знешняй разведкі Расіі.
У прыватнасці, СЗР сцвярджае, што ўкраінскія ўлады нібыта пераканалі Латвію даць згоду на правядзенне аперацыі супраць Расіі, а ў Латвію ўжо накіраваны вайскоўцы Сіл беспілотных сістэм Узброеных сіл Украіны.
У заяве СЗР пералічваюцца пяць латвійскіх вайсковых баз, на якіх, паводле яе звестак, размешчаны ўкраінскія вайскоўцы: «Адажы», «Селія», «Ліелвардэ», «Даўгаўпілс» і «Екабпілс».
У заяве расійскай разведкі таксама змяшчаецца пагроза «справядлівага адплаты», ад якой, як сцвярджаецца, «членства краіны ў NATO не абароніць».
Улады Латвіі пакуль не каментавалі заяву СЗР.
У сваю чаргу, дарадца прэзідэнта Літвы па пытаннях нацыянальнай бяспекі Дэйвідас Матулёніс папярэдзіў, што супраць краіны магчымыя вельмі сур’ёзныя правакацыі.
Самі абвінавачанні дарадца назваў абсурднымі.
«Гэта абсурд, і ў такой абстаноўцы супраць нас магчымыя вельмі сур’ёзныя правакацыі», — заявіў Дэйвідас Матулёніс у аўторак у эфіры Žinių radijas.
Ён падкрэсліў, што гаворка ідзе не толькі пра прапаганду ў расійскай публічнай прасторы, але і пра дзейнасць спецслужбаў краіны.
«Я не хацеў бы ўдавацца ў дэталі, паколькі гэта непублічная інфармацыя, але сітуацыя істотна абвастрылася. Паводле нашай ацэнкі, гэта былі не толькі пытанні расійскай прапаганды. Усё ішло значна глыбей — з боку адпаведных расійскіх структур», — сказаў дарадца прэзідэнта.
Цяпер чытаюць
Латушка перамог усіх на выбарах у Каардынацыйную раду13
Латушка перамог усіх на выбарах у Каардынацыйную раду
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары
Да и момент благоприятный, лапидарий убирает из Польши и Германии американский контингент для НАТО.
Через час уже новости под заголовком:
«наглая провокация финляндской военщины»...
І гд. Ўсе гэта ўжо праходзілі.