«Litva budzie abaraniać siabie», — skazaŭ Naŭsieda.
Prezident Litvy padkreślivaje, što Kreml, abvinavačvajučy krainy Bałtyi ŭ nibyta pradastaŭleńni Ukrainie terytoryi dla naniasieńnia ŭdaraŭ pa Rasii, prosta sprabuje ich pravakavać, piša Delfi.lt.
«Litva budzie abaraniać siabie, Litva budzie abaraniać siabie razam z krainami NATO, kali pravakacyi buduć iści zvonku. Ale Litva nikoli nie dazvolić siabie pravakavać abo vykarystoŭvać u intaresach inšych dziaržaŭ», — zajaviŭ Naŭsieda.
«Mienavita tamu ja vielmi vyrazna skazaŭ, što nijakija abjekty, pryznačanyja dla trecich krain abo infrastruktury, abo dla inšych met, dla źniščeńnia inšych abjektaŭ, nie mohuć pralatać praz terytoryju Litvy, tamu što heta ŭ pieršuju čarhu źviazana ź biaśpiekaj samoj Litvy», — dadaŭ jon.
Taksama Naŭsieda skazaŭ, što vierahodnaść zalotu dronaŭ pavialičvajecca i zastaniecca vysokaj u bližejšaj budučyni
Vypadak u sieradu, kali ŭ Vilenskim paviecie byŭ abvieščany čyrvony sihnał pavietranaj tryvohi, a žycharam daviałosia šukać schovišča, vyjaviŭ prabieły ŭ padrychtoŭcy dziaržaŭnych ustanoŭ i hramadskich arhanizacyj da takich situacyj, jakija nieabchodna vypraŭlać.
«Toje, što my pieražyli siońnia, — heta vielmi dobry ŭrok. <…> My abaviazany jaho vielmi dobra zasvoić», — skazaŭ prezident u efiry LRT.
Jon taksama zaklikaŭ žycharoŭ surjozna i adkazna reahavać na paviedamleńni pra pavietranuju niebiaśpieku.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary