Rtutny termomietr prabyŭ u ciele žančyny vosiem hadoŭ. Niejmaviernaja historyja va Ukrainie
Žančyna źviarnułasia da miedykaŭ sa skarhami na bol unizie žyvata.
U Lvovie ŭrołahi vydalili z arhanizma 42‑hadovaj žančyny rtutny termomietr. Pacyjentka pražyła ź im vosiem hadoŭ. Pra niezvyčajnuju znachodku raskazali ŭ balnicy Lvoŭskaha miedycynskaha ŭniviersiteta imia Daniły Halickaha, piša Bi-bi-si — Ukraina.
Žančyna źviarnułasia da miedykaŭ sa skarhami na bol unizie žyvata, častyja pazyvy da mačavypuskańnia.
«Padčas ultrahukavoha daśledavańnia my ŭbačyli ŭ mačavym puzyry ŭtvareńnie, padobnaje da vialikaha kamienia sa stryžniem unutry», — patłumačyŭ urołah Vasil Matvijiŭ.
Kab dakładna vyśvietlić, što heta, žančynu nakiravali na kampjutarnuju tamahrafiju.
«Mienavita KT dała dakładny adkaz: u mačavym puzyry znachodziŭsia rtutny termomietr, jaki za hady całkam inkrustavaŭsia kamieniem», — raskazaŭ doktar.
U kamientary Bi-bi-si — Ukraina pradstaŭnica balnicy ŭdakładniła, što heta pieršy taki vypadak u historyi kliniki.
Jakim čynam rtutny termomietr prabyŭ stolki hadoŭ u ciele žančyny i nie raźbiŭsia — «dla nas zahadka», skazali ŭ balnicy.
Z-za kamienia ŭtvaryŭsia proležań ścienki mačavoha puzyra, što pryviało da farmavańnia mačapuzyrova-pochvavaha śvišča. Praz heta, kažuć daktary, pacyjentku čakaje jašče adna apieracyja — paśla taho jak rana zahoicca i infiekcyjny praces spynicca, žančynie buduć vydalać śvišč, jaki ŭtvaryŭsia ŭ jaje mačavym puzyry.
Mahčyma, heta nie apošniaja apieracyja, jakaja čakaje žančynu. Adnaŭleńnie budzie praciahłym, kažuć u balnicy.
Jak mienavita termomietr trapiŭ unutr žančyny — u balnicy nie raskazvajuć. Tam udakładnili, što pacyjentka rodam sa Lvoŭščyny i ź mierkavańniaŭ pryvatnaści vyrašyła nie raskazvać pra pryčynu zachvorvańnia.
Pa hetych ža pryčynach u balnicy admovilisia raskazvać pra toje, jak mienavita termomietr moža traplać unutr u takich vypadkach.
-
Žanočy ałkahalizm: čym jon roźnicca ad mužčynskaha i jak da takich žančyn stavicca?
-
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
-
Rak moža być zaraznym? Navukoŭcy vyjavili čaćviorty taki vypadak
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary