A jaki samy zdarovy varyjant?
Samy sprečny varyjant letniaha abutku — šlopancy. Jany bolš padychodziać dla pachodu ŭ basiejn abo na plaž, čym dla štodzionnaha našeńnia ŭ horadzie, kamientuje traŭmatołah-artapied Raman Kudraŭcaŭ «Minskaj praŭdzie».
«Fiksacyja takoha abutku na stupaku adbyvajecca za košt ściskańnia palcaŭ u piarednim adździele. Heta patałahičny stan, jaki pryvodzić da natoptyšaŭ i prablem z suchažyllami palcaŭ», — papiaredziŭ doktar.
U jakaści bolš biaśpiečnaj alternatyvy doktar prapanavaŭ kroksy.
Taksama dla niepraciahłych prahułak padyduć pravilna padabranyja sandali. Adnak dla praciahłaj chady jany nie zaŭsiody źjaŭlajucca najlepšym vybaram z-za niedastatkovaj artapiedyčnaj padtrymki.
Samym udałym varyjantam letniaha abutku traŭmatołah nazvaŭ krasoŭki. Pavodle jaho słoŭ, jakasnyja madeli majuć uśpienienuju padešvu, jakaja źmiakčaje nahruzku pry chadzie, źmianšaje ŭździejańnie na sustavy i zabiaśpiečvaje ŭstojlivaść dziakujučy pratektaru. Akramia taho, taki abutak dobra fiksuje piatku.
«Kali letam u krasoŭkach horača, možna vykarystoŭvać pierfaravanyja madeli», — prakamientavaŭ śpiecyjalist.
Pry hetym doktar adznačyŭ, što najlepšaj treniroŭkaj dla stupniaŭ u ciopłuju paru hoda zastajecca chada basanož. Dla hetaha nieabaviazkova jechać na marski plaž — padyduć prahułki pa travie ŭ parku, lasnyja ściežki abo dačny ŭčastak.
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»24
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary
stopa
I 1) (anat.) stupnia , -ni
płoskaja stopa — plaskataja stupnia
2) (šah, noha) krok , kroku
napraviť stopy — pajści idti po ċjim-libo stopam — iści pa čyich-niebudź śladach
II (poet.) stapa , -py
III 1) (priedmiety, rovno połožiennyje odin na druhoj) stos , stosa kaścior , kastra ścirta , -ty
stopa knih — stos knih
2) (miera bumahi) stapa , -py
IV (sosud) čara , -ry
sieriebrianaja stopa — siarebranaja čara