А які самы здаровы варыянт?
Самы спрэчны варыянт летняга абутку — шлёпанцы. Яны больш падыходзяць для паходу ў басейн або на пляж, чым для штодзённага нашэння ў горадзе, каментуе траўматолаг-артапед Раман Кудраўцаў «Мінскай праўдзе».
«Фіксацыя такога абутку на стапе адбываецца за кошт сціскання пальцаў у пярэднім аддзеле. Гэта паталагічны стан, які прыводзіць да натоптышаў і праблем з сухажыллямі пальцаў», — папярэдзіў доктар.
У якасці больш бяспечнай альтэрнатывы доктар прапанаваў кроксы.
Таксама для непрацяглых прагулак падыдуць правільна падабраныя сандалі. Аднак для працяглай хады яны не заўсёды з'яўляюцца найлепшым выбарам з-за недастатковай артапедычнай падтрымкі.
Самым удалым варыянтам летняга абутку траўматолаг назваў красоўкі. Паводле яго слоў, якасныя мадэлі маюць успененую падэшву, якая змякчае нагрузку пры хадзе, змяншае ўздзеянне на суставы і забяспечвае ўстойлівасць дзякуючы пратэктару. Акрамя таго, такі абутак добра фіксуе пятку.
«Калі летам у красоўках горача, можна выкарыстоўваць перфараваныя мадэлі», — пракаментаваў спецыяліст.
Пры гэтым доктар адзначыў, што найлепшай трэніроўкай для стоп у цёплую пару года застаецца хада басанож. Для гэтага неабавязкова ехаць на марскі пляж — падыдуць прагулкі па траве ў парку, лясныя сцежкі або дачны ўчастак.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары