Tyktok zachapiŭ miem z manha. U čym sens?

Historyja niezvyčajnaj papularnaści trapičnaj sadaviny pačynajecca z YouTube. U 2023 hodzie salvadorski treš-błohier Alfreda Łaryn źniaŭ rolik, u jakim sypaŭ na siabie płady manha i kryčaŭ «Mangos! Mangos! Mangos!», a paśla hatavaŭ sadavinu. Heta ideja nastolki spadabałasia vykanaŭcu LDRR, što jon nakłaŭ na biessensoŭnyja kryki fonk-muzyku i zrabiŭ z hetaha trek pad nazvaj «Mangos TikTok-viersija».

Pavialičyć

Trek chutka staŭ papularnym u kitajskaj sacsietcy. Jaho pačali vykarystoŭvać u karotkich miemnych videa z Trollge — internet-piersanažam sa złaviesnaj uśmieškaj, jaki ŭžo niekalki hadoŭ źjaŭlajecca hierojem absurdnych žartaŭ i strašyłak.

Novy ŭsplosk papularnaści miem atrymaŭ letam 2025 hoda. Tady adzin z karystalnikaŭ TikTok źmiaściŭ hetuju ŭśmiešku na tvar Marka Hrejsana — hałoŭnaha hieroja multsieryjała «Niepieramožny» («Invincible»), a videa supravadziŭ trekam «Mangos! Mangos! Mangos!». Atrymanaja vyjava atrymała nazvu «Manha Mark» i chutka razyšłasia pa sacsietkach.

Paśla hetaha ludzi pačali masava paŭtarać žart, stvarajučy ŭsio novyja varyjacyi «Manha Marka». Tak miem pra trapičnuju sadavinu pieratvaryŭsia ŭ adzin z samych paznavalnych simvałaŭ novaj chvali internet-absurdu.

@foxmer2 MANGO MANGO MANGO #mango #mangomeme #meme #mango ♬ sonido original - Foxmer22

Hety miem, jak i papularny ciapier «6-7», adnosicca da typu miemaŭ brainrot, što ŭ pierakładzie aznačaje «hnijeńnie mozhu» — humar, stvorany na absurdzie (jak, naprykład, bambardzira-krakadziła i baleryna-kapučyna).

Pavialičyć

Sam žanr brainrot užo daŭno žyvie ŭ biełaruskim siehmiencie sacsietak. Karystalniki stvarajuć ułasnych piersanažaŭ pavodle kanonaŭ — naprykład, Łukašenku-Bulbašenku.

@getmangoai Lukashenko goes full Bulbashkenko #SlavicCore #Bulbashkenko #Lukashenko #TikTokSlav #EasternEurope #MemeLord #SlavicHumor #BelarusianCore #viralvideo #TikTokTrend ♬ original sound - Dani_logs

Miem z manha ŭ biełtyktoku isnuje pieravažna ŭ vyhladzie kamientaroŭ. Pryčym pakidajuć ich nie tolki pad videa pra manha i ci pad rolikami pra ježu. Złydnia, jaki prapanoŭvaje pačastavacca sadavinoj, možna sustreć pad samymi roznymi videa — ad navin da žyćciovych siužetaŭ.

Pavialičyć

Časta pry stvareńni takoha humaru vykarystoŭvajuć štučny intelekt, a sami roliki charaktaryzujucca adsutnaściu sensu, adnatypnymi varyjacyjami i humaram nizkaj jakaści, pabudavanym na absurdzie, pažadnaści i čałaviečaj fizijałohii. 

Čamu heta śmiešna? U bolšaści vypadkaŭ adkazu niama. U hetym i sutnaść brainrot-miemaŭ — jany nie prapanujuć kłasičnaha žartu ź niečakanaj raźviazkaj. Čym bolš čałaviek bačyć u stužcy kryki «Mangos! Mangos! Mangos!», tym macniej pačynaje adčuvać siabie častkaj intenet-supolnaści.

Častkova heta i samaironija nad sučasnym internetam. Karystalniki razumiejuć, što hladziać biessensoŭny kantent, ale praciahvajuć heta rabić.

• 0
• 0
• 0
• 7
• 0
• 0
• 0
• 0