Na vytvorčym učastku «Lubčanski» filijała «Navahrudskija dary» Lidskaha małočna-kansiervavaha kambinata płanujuć naładzić vypusk syroŭ z błakitnaj ćvillu. Novy pradukt budzie aryjentavany jak na ŭnutrany rynak, tak i na pastaŭki ŭ Rasiju i inšyja krainy postsavieckaj prastory, piša BiełTA.
Pradpryjemstva taksama praciahvaje maštabnuju madernizacyju. Da 2028 hoda płanujecca pavialičyć abjomy pierapracoŭki małaka da 903 ton u sutki i pašyryć vypusk pradukcyi z bolš hłybokaj stupieńniu pierapracoŭki.
Siarod novych prajektaŭ — stvareńnie vytvorčaści suchoha kancentratu małočnaha białku KMB-80, jaki vykarystoŭvajecca ŭ charčovaj pramysłovaści, miedycynie i kaśmietałohii. Taksama na kambinacie rychtujuć zapusk vytvorčaści abiazvodžanaha małočnaha tłušču, jaki płanujuć pastaŭlać na afrykanski rynak.
Akramia taho, u kancy hoda pradpryjemstva adkryje novuju liniju pa raźlivie małaka i pitnych johurtaŭ u butelki.
Inšyja filijały kambinata taksama raźvivajuć novyja kirunki: u Ašmianach budzie pašyranaja fasoŭka syroŭ, u Smarhoni — vytvorčaść marožanaha i ŭpakoŭka tvarahu, a ŭ Navahrudku źjavicca dadatkovaja syrnaja linija mahutnaściu 10 ton pradukcyi za sutki.
Usiaho Lidski małočna-kansiervavy kambinat pierapracoŭvaje kala 1,8 tysiačy ton małaka štodnia, vypuskaje prykładna 250 najmieńniaŭ pradukcyi i ekspartuje kala 70% svajoj vytvorčaści ŭ 26 krain śvietu.
Kamientary