RNBA Ukrainy: Pravakacyja nikčemnaja i maje ŭsie prykmiety skaardynavanaj apieracyi bieź jakich-niebudź faktyčnych dokazaŭ
U Radzie nacyjanalnaj biaśpieki i abarony Ukrainy prakamientavali incydent z dronavaj atakaj na aŭtobus u Branskaj vobłaści, u jakim znachodzilisia biełaruskija dzieci, nazvaŭšy jaho infarmacyjnaj pravakacyjaj z boku Rasii.
Kiraŭnik Centra supraćdziejańnia dezynfarmacyi pry RNBA Ukrainy Andrej Kavalenka napisaŭ u telehram-kanale:
«Rasijanie ŭbačyli, što biełarusy nie chočuć padtrymlivać ahresiŭnuju rytoryku Rasii ŭ dačynieńni da Ukrainy, i vydumali «terakt u aŭtobusie ź biełaruskimi dziećmi na Branščynie», u nadziei z dapamohaj hetaj infarmacyjnaj pravakacyi padbuchtorvać biełaruskaje nasielnictva da padtrymki ahresiŭnych dziejańniaŭ suprać Ukrainy. Sama pravakacyja nikčemnaja i maje ŭsie prykmiety skaardynavanaj apieracyi bieź jakich-niebudź faktyčnych dokazaŭ. Typova dla prapahandystaŭ RF».
17 červienia ŭ Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
Hienieralny štab Uzbrojenych sił Ukrainy adchiliŭ abvinavačańni ŭ datyčnaści da hetaha incydentu. Ukrainskija vajskoŭcy zajavili, što ŭ nazvany čas nie vykarystoŭvali bieśpiłotniki ŭ rajonie zdareńnia ŭ Branskaj vobłaści. Paviedamleńni pra nibyta ŭkrainskuju ataku jany taksama nazvali pravakacyjaj.
Piaskoŭ raskazaŭ pra adkaz Rasii paśla ŭdaru pa biełaruskim aŭtobusie pad Branskam
Hubiernatar Branskaj vobłaści apublikavaŭ fotazdymki biełaruskich dziaciej z balnicy
Źjaviłasia VIDEA ź miesca traplańnia drona ŭ biełaruski aŭtobus
U Rečycy raskazali padrabiaznaści fatalnaj pajezdki miascovych žycharoŭ u Rasiju. Aŭtobusaŭ było dva, dziaciej 41 z 88
Łukašenka siońnia zajmajecca prablemaj uzbujnieńnia Drybinskaha rajona
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary
Na protiažienii miesiaciev mnohije śmi zajavlali, čto Putin postojanno davit na Łukašienko, čtoby tot boleje aktivno vstupał v vojnu. Pośle etoho Ukraina prieduprieždała Łukašienko, čtoby tot dažie i nie dumał idti na triebovanija kriemla i vstupať v vojnu. Bukvalno včiera Łukašienko zajavlał, čto biełarusam nie nužna vojna, dažie iźviniałsia pieried Zielenskim, v to vriemia kak okružienije i sam putin diełajut stavku na eskałaciju i provokacii po vtiahivaniju Biełarusi. I vot siehodnia my vidim kak v biełaruskij avtobus priletajet rośsijskij dron. Zdieś jeŝie pokazatielno siehodniašnieje zajavlenije biełaruskoho MIDa, hdie tolko prizyvy priekratiť pojezdki v prihraničnyje s vojnoj riehiony. Eto tipičnyje zajavlenija kohda rieċ kačajetsia RF ili russkich. Kohda russkije sovieršajut priestuplenija v Biełarusi, miestnyje śmi i słužby zahadočno pišut čto priestuplenije sovieršił kakoj-to «inostrannyj hraždanin». Tak i siehodnia, uvierien na vsie 100% čto imienno russkije napravili svoj dron v biełaruskij avtobus. Poetomu biełaruskij MID i diełajet takije zavualirovannyje zajavlenija. Inačie by propahanda užie davno trubiła by i obviniała vo vsiech hriechach ukrainciev.