U pačatku nastupnaha tydnia tempieratura pavietra ŭ Biełarusi moža dasiahnuć +39°S
Epicentram śpioki stanie paŭdniovy zachad krainy.
Karta adnosnaj tapahrafii 500—1000 hPa ad madeli ECMWF pakazvaje maštabny vynas trapičnaj pavietranaj masy ŭ kancy červienia va Uschodniuju Jeŭropu. Z-za hetaha Biełaruś apyniecca ŭ zonie mocnaha termičnaha hradyjenta, paviedamlaje telehram-kanał «Mieteavajb».
Epicentram śpioki stanie paŭdniovy zachad krainy. Tam taŭščynia pavialičanaha z-za śpioki słoja atmaśfiery vyraście da 576—580 dam (heta aznačaje ŭzdym miažy ŭzroŭniu cisku 500 hPa da 5800 mietraŭ), a tempieratura na vyšyni T850 (kala 1,5 km) dasiahnie +23°C. Takija pakazčyki vielmi redkija dla Biełarusi i zdolnyja abnavić absalutnyja tempieraturnyja rekordy.
Maksimalnaja tempieratura na paŭdniovym zachadzie ŭ paniadziełak, 29 červienia, moža padniacca da +36…+39°C (madel ECMWF), a nočy čakajucca trapičnyja — nie nižej za +20°C.
Papiaredni prahnoz na Brest pavodle yr.no
Na astatniaj terytoryi taksama budzie vielmi śpiakotna: +29…+35°C.
Papiaredni prahnoz na Minsk pavodle yr.no
Śpioka ad +35°C i vyšej adnosicca da niebiaśpiečnych mietearałahičnych źjaŭ. U vypadku realizacyi hetaha scenaryja Biełhidramiet moža abviaścić na paŭdniovym zachadzie krainy čyrvony (maksimalny) uzrovień niebiaśpieki.
Pakul ža rekordam śpioki ŭ Biełarusi ličycca +38,9°S u Lelčycach 8 žniŭnia 2010 hoda.
Kamientary