Na internet-placoŭcy eBay źjaviłasia ŭ prodažy pamiatnaja załataja manieta Nacyjanalnaha banka Biełarusi «Vožyk» naminałam 50 rubloŭ. Pradaviec z ZŠA acaniŭ jaje ŭ 2150 dalaraŭ, zaŭvažyła vydańnie Myfin.by.
Manieta była ŭviedziena ŭ abaračeńnie ŭ 2011 hodzie. Razam ź joj pakupniku prapanujuć siertyfikat sapraŭdnaści.
Vysokaja cana tłumačycca nie naminałam, a jaje kalekcyjnaj kaštoŭnaściu. Manieta vyrablena z zołata najvyšejšaj proby ŭ jakaści «pruf», maje inkrustacyju bryljantam i była vypuščana vielmi abmiežavanym tyražom — usiaho 1000 asobnikaŭ.
Pavodle charaktarystyk Nacyjanalnaha banka Biełarusi:
- masa maniety — 7,78 h;
- masa čystaha zołata — 7,78 h;
- jakaść čakanki — «pruf»;
- inkrustacyja — 1 bryljant pamieram 0,8 mm (typ VS);
- dyjamietr — 25 mm;
- tyraž — 1000 ekzemplaraŭ.
Varta adznačyć, što 2150 dalaraŭ — heta zapytanaja pradaŭcom cana, a nie aficyjna paćvierdžany rynačny košt. Faktyčnaja cana prodažu zaležyć ad popytu siarod kalekcyjanieraŭ i moža adroźnivacca.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie11
Kamientary