Mužčyna z Tałačyna hladzieŭ foty syna i zapadozryŭ, što dzicia nie jaho
U sud Tałačynskaha rajona źviarnuŭsia mužčyna, jaki ŭsumniŭsia ŭ svaim baćkoŭstvie. Vyvučajučy fatahrafii dziciaci, jakoje padrasło, jon pabačyŭ, što chłopiec źniešnie na jaho zusim nie padobny.
Jak vynikaje z materyjałaŭ spravy, u 2017 hodzie mužčyna dobraachvotna pryznaŭ niepaŭnaletniaje dzicia svaim i aficyjna zarehistravaŭ baćkoŭstva.
Adnak praź niekatory čas, prahladajučy fatahrafii dziciaci ŭ sacyjalnych sietkach (adsiul možna mierkavać, što baćka z synam nie žyŭ), jon vyrašyŭ, što padabienstva pamiž imi niama.
Mužčyna źviarnuŭsia ŭ sud z patrabavańniem vyklučyć źviestki pra jaho jak pra baćku z zapisaŭ aktaŭ hramadzianskaha stanu.
Dla pravierki arhumientaŭ mužčyny sud pryznačyŭ sudova-miedycynskuju hienietyčnuju ekśpiertyzu. Raschody na praviadzieńnie daśledavańnia, zhodna z zakonam, byli ŭskładzieny na pazoŭnika.
U vyniku zaklučeńnie ekśpierta całkam abvierhła sumnieńni mužčyny: jaho baćkoŭstva było paćvierdžana. Vierahodnaść skłała 99,9999999999977%.
Dla daviedki: u sudovaj hienietycy vierahodnaść, vyšejšaja za 99,99%, pryznajecca navukova dakazanym faktam bijałahičnaj svajactva. Taki pakazčyk matematyčna i bijałahična całkam vyklučaje vierahodnaść, što baćkam dziciaci źjaŭlajecca jaki-niebudź inšy mužčyna na płaniecie.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary