U 2025 hodzie prodažy žylla vyraśli ŭ 17 z 20 jeŭrapiejskich krain dziakujučy źnižeńniu kredytnych stavak, choć ceny ŭ bolšaści krain praciahnuli raści. Francyja pieravysiła miljon ździełak, Słavienija pakazała najbolšy rost, piša Euronews.
Kali hladzieć u pracentach, to lidar rostu — Słavienija. Tam rekordny rost prodažaŭ (+29,9%), choć u absalutnych ličbach ździełak mała — usiaho 11 000. U Litvie ździełak stała bolej na 22,8%, u Aŭstryi — na 21,4%, u Bielhii — na 20,2%.
Dvuchznačnyja tempy rostu byli adznačany taksama ŭ Luksiemburhu (18,6%), Vienhryi (17,3%), Niderłandach (13,9%), Danii (12,7%), Francyi (11,2%) i Partuhalii (10,5%).
U Łatvii (9,2%), Finlandyi (9%) i Narviehii (8,3%) pavieličeńnie było blizkim da 10%.
Usiaho ŭ troch krainach prodažy žylla ŭpali — Charvatyi (-4,1%), Bałharyi (-2,5%) i Polščy (-1,1%). Dla paraŭnańnia, u 2024 hodzie padzieńnie było zafiksavana ŭ šaści krainach.
Kali hladzieć pa kolkaści pradadzienaha žylla, to najbolej u Francyi — bolš za 1 młn ździełak za hod. Pry hetym ceny amal nie vyraśli (+0,1% za hod)
U Niderłandach źmianili ŭładalnika 265 000 abjektaŭ žylla.
Charvatyja — adzinaja kraina, dzie padzieńnie prodažaŭ praciahvajecca ŭžo čaćviorty hod zapar, niahledziačy na ahulny padjom u Jeŭropie. Pry hetym ceny na žyllo tam vyraśli na 14,3%, a arenda — na ŭražalnyja 39,1% (samy vysoki pakazčyk u rehijonie). Analityki źviazvajuć heta z unutranymi faktarami rynku, a nie z ahulnajeŭrapiejskimi trendami.
Ekśpiert Mik Kałmiet z Global Property Guide tłumačyć rost stabilizacyjaj stavak Euribor i realizacyjaj adkładzienaha popytu, jaki nazapasiŭsia ŭ pieryjad vysokich stavak. Faktary strymlivańnia — darahoje budaŭnictva i słabaja budaŭničaja aktyŭnaść, jakija abmiažoŭvajuć prapanovu žylla.
Kamientary