Tramp zapatrabavaŭ ad Irana kampiensacyi za zahinułych amierykancaŭ
Zajava prahučała paśla patrabavańniaŭ Tehierana kampiensavać škodu, naniesienuju Iranu padčas piacimiesiačnaha vajennaha kanfliktu.
Donald Tramp zajaviŭ, što Vašynhton budzie patrabavać ad Irana kampiensacyi za zahinułych i paranienych amierykanskich vajskoŭcaŭ, a taksama za iranskich pratestoŭcaŭ, jakija zahinuli ŭ apošnija dziesiacihodździ. Pra heta prezident ZŠA zajaviŭ 10 žniŭnia ŭ svajoj sacyjalnaj sietcy Truth Social.
Zajava Trampa prahučała paśla patrabavańniaŭ Tehierana kampiensavać škodu, naniesienuju Iranu padčas piacimiesiačnaha vajennaha kanfliktu.
«Heta cikavaja ideja, tamu što ciapier ja taksama patrabuju ad Irana kampiensacyi za ŭsich ludziej, jakich jany zabili abo ciažka paranili», — napisaŭ Tramp.
Prezident ZŠA taksama zajaviŭ, što kampiensacyi pavinny atrymać siemji irancaŭ, jakija zahinuli ŭ vyniku padaŭleńnia pratestaŭ za apošnija 50 hadoŭ.
Tramp śćviardžaje, što tolki za apošnija piać miesiacaŭ u Iranie byli zabityja 52 tysiačy čałaviek. Krynicu hetych źviestak prezident ZŠA nie raskryŭ.
Pravaabarončyja arhanizacyi raniej dakumientalna paćvierdzili bolš za šeść tysiač zahinułych u vyniku represij paśla ahulnanacyjanalnych pratestaŭ, jakija pačalisia ŭ studzieni. Pravaabaroncy dapuskajuć, što realnaja kolkaść achviaraŭ moža być značna vyšejšaj.
Kamientary