Čaściej za ŭsio ŭ Hiermanii sioleta ad śpioki pamirali ludzi va ŭzroście ad 85 hadoŭ.
Kolkaść zaŭčasnych śmierciaŭ u Hiermanii, źviazanych ź śpiokaj, u 2026 hodzie pa stanie na 2 žniŭnia skłała kala 12 500. Pra heta śviedčyć čarhovaja štotydniovaja spravazdača Instytuta imia Robierta Kocha (RKI), apublikavanaja ŭ čaćvier, piša Deutsche Welle.
Navukoŭcy adznačajuć, što hetaja acenka źjaŭlajecca kansiervatyŭnaj, to-bok u realnaści kolkaść śmierciaŭ, vyklikanych śpiakotaj, moža być jašče bolšaj.
U RKI taksama adznačajuć, što heta rekordny pakazčyk za apošnija 10 hadoŭ. Papiarednija pikavyja hady — 2018-y, kali ad śpiakoty ŭ FRH pamierli prykładna 9400 čałaviek, i 2019-y, kali hety pakazčyk skłaŭ kala 7700.
Pavodle statystyki, najbolš mocna ekstremalna vysokija tempieratury ŭdaryli pa žycharach zachodnich ziamiel ziamiel Saar i Rejnłand-Pfalc, dzie z-za śpiakoty pamierli adpaviedna 43,4 i 38,7 čałavieka na 100 tysiač žycharoŭ. U siarednim pa krainie pakazčyk składaje 15 śmierciaŭ na 100 tysiač žycharoŭ.
Kali hladzieć pa ŭzroście, to čaściej za ŭsio ŭ Hiermanii sioleta ad śpioki pamirali ludzi va ŭzroście 85 hadoŭ i starejšyja — takich vypadkaŭ było prykładna 6300. Bolš za 3100 achviar śpiakoty byli va ŭzroście ad 75 da 84 hadoŭ.
Ciapier u Hiermaniju pryjšła novaja chvala śpiakoty, adnak jana ŭsio ž słabiejšaja za tuju, što była ŭ kancy červienia — tady ŭ mnohich rehijonach krainy słupok termomietra padymaŭsia vyšej za 40 hradusaŭ pa Celsii. Pavodle acenki RKI, ad červieńskaj śpiakoty ŭ FRH pamierli kala 5100 čałaviek. U cełym u Jeŭropie ŭ tym miesiacy mahło adbycca nie mienš za 12 000 zališnich śmierciaŭ, padličyła ahienctva AFP.
Červień i lipień 2026 hoda akazalisia samymi śpiakotnymi miesiacami ŭ Zachodniaj Jeŭropie za ŭsiu historyju nazirańniaŭ. Siaredniaja tempieratura za hety pieryjad pieravysiła anałahičny pakazčyk 1991—2020 hadoŭ na 2,79 hradusa pa škale Celsija, paviedamiła jeŭrapiejskaja Słužba pa źmianieńni klimatu Copernicus.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary
Tut siońnia +22S° i mnohija mierznuć !