ZŠA chočuć izalavać iranski režym i takim čynam prymusić jaho da jadziernaha pahadnieńnia i razbłakavańnia Armuzskaha praliva.
Kiraŭnik CRU Džon Retklif ździejśniŭ niečakany vizit u Maskvu, kab, u tym liku, zaklikać Kreml «skaracić vajennuju i ekanamičnuju padtrymku Irana». Jon «pieradaŭ pažadańnie, kab Maskva spyniła pieradaču Iranu zbroi i abarončych technałohij», piša Bild sa spasyłkaj na Politico.
ZŠA chočuć izalavać iranski režym i takim čynam prymusić jaho da jadziernaha pahadnieńnia i razbłakavańnia Armuzskaha praliva.
Analityk amierykanskaha centra Council on Foreign Relations Lijana Fiks tłumačyć: «Rasija pradastaŭlała Iranu spadarožnikavyja zdymki, jakija dapamahali Iranu pry naviadzieńni na amierykanskija celi». Da hetaha dadajecca «ekasistema cieniavych fłatoŭ»: Rasija i Iran supracoŭničajuć, kab abychodzić mižnarodnyja naftavyja sankcyi.
Tramp moh nakiravać kiraŭnika CRU ŭ Maskvu z całkam kankretnaj metaj, ličyć Fiks: «Patrabavańnie da rasijskaha boku prymusić Iran adkryć Armuzski praliŭ».
Adnak vidavočna, što Pucin nie stanie prosta tak akazvać cisk na svaich sajuźnikaŭ u Tehieranie: «Rasija, viadoma, zapatrabuje niešta naŭzamien. Albo ZŠA, naadvarot, buduć pahražać Rasii sankcyjami».
Adnak sapraŭdnaja prablema dla ZŠA — nie Rasija, a Kitaj, kaža ekśpiert. Piekin kuplaje značnuju častku iranskaj nafty i zusim nie zacikaŭleny ŭ padtrymcy ZŠA ŭ ich kampanii suprać ajatołaŭ.
Što Tramp moža z hetym zrabić?
«U amierykanskaj administracyi — vialikaja nierašučaść nakont taho, kab iści na eskałacyju z Kitajem. Niezaležna ad temy — Iran, Ukraina, mytnyja pošliny… U hetych pytańniach ZŠA ŭžo dvojčy sastupali», — nahadała Fiks.
Lijana Fiks nie ličyć, što Tramp nakiravaŭ kiraŭnika svajoj raźviedki ŭ Maskvu vyklučna praz aściarohi nakont rasijskaj eskałacyi ŭ Jeŭropie. Jana skazała: «Ja dumaju, što tema Irana była važnaj častkaj [pieramovaŭ padčas hetaha vizitu] i što havorka nie mahła iści tolki pra rasijskuju hibrydnuju vajnu suprać Jeŭropy». Jeŭrapiejcaŭ heta, viadoma, niepakoić, adnak urad Trampa ličyć heta «mienš značnym» pytańniem.
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Pierabłytanyja ŭsie karty