Japonskaja mastačka Jajoi Kusama, suśvietna viadomaja svaimi skulpturami i instalacyjami, pamierła va ŭzroście 97 hadoŭ. Jana pajšła z žyćcia 14 žniŭnia ŭ špitali Tokia praz paliarhannuju niedastatkovaść, adnak pra jaje śmierć stała viadoma tolki 27 žniŭnia.
Kusama naradziłasia ŭ 1929 hodzie ŭ horadzie Macumota. Jašče ŭ dziacinstvie jana sutykałasia sa zrokavymi halucynacyjami. Paźniej hety dośvied znajšoŭ adlustravańnie ŭ jaje tvorčaści — asabliva ŭ paŭtaralnych uzorach z kropak i sietak, jakija stali jaje firmovym stylem.
U 1957 hodzie mastačka pierajechała ŭ ZŠA. U Ńju-Jorku jana stała adnoj z prykmietnych pradstaŭnic avanhardnaj mastackaj sceny, pracavała z žyvapisam, skulpturaj, pierformansam i instalacyjami.
Siarod samych viadomych jaje tvoraŭ — skulptury ŭ formie harbuzoŭ i sieryja lustranych instalacyj Infinity Mirror Rooms, jakija stvarajuć iluziju biaskoncaj prastory.
U 1973 hodzie Kusama viarnułasia ŭ Japoniju. Paźniej jana dobraachvotna pasialiłasia ŭ psichijatryčnaj klinicy ŭ Tokia, ale praciahvała štodnia pracavać u svajoj studyi niepadalok. Akramia vyjaŭlenčaha mastactva, jana pisała ramany i vieršy.
Vystavy Kusamy prachodzili ŭ najbujniejšych muziejach śvietu, a jaje raboty pradavalisia na aŭkcyjonach za miljony dalaraŭ. U 2016 hodzie jana atrymała japonski Orden kultury za ŭkład u mastactva.
Kusama praciahvała zajmacca tvorčaściu amal da apošnich dzion žyćcia. Pavodle jaje pradstaŭnikoŭ, mastačka nie vypuskała pendźla z ruk da samaha kanca.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary