«Pryviet, darahaja, heta Alaksiej Chlastoŭ». Niechta stvaryŭ fejkavy akaŭnt śpievaka
U TikTok źjaviŭsia fejkavy akaŭnt śpievaka Alaksieja Chlastova. Jaho stvaralniki vydajuć siabie za artysta, pišuć žančynam ad jaho imia i sprabujuć pieravieści razmovu ŭ Telegram. Chlastoŭ papiaredziŭ padpisčykaŭ, što za staronkaj staić nie jon i, imavierna, havorka idzie pra machlarskuju schiemu.
«Pryviet, darahaja, heta Alaksiej Chlastoŭ napisaŭ tabie», — tak pačynajecca adno z paviedamleńniaŭ, adpraŭlenych ad imia śpievaka.
Fejkavaja staronka ŭ TikTok kapijuje sacsietki Chlastova: tam vykarystoŭvajuć jaho imia, fota i videa.
Siarod inšaha, na joj apublikavali stvoranuju z dapamohaj štučnaha intelektu pieśniu pra «čorna-bieły Minsk» na temu mihrantaŭ.
Paśla kantaktu ŭ TikTok surazmoŭcam prapanujuć pierajści ŭ Telegram. Chlastoŭ źviarnuŭ uvahu, što tam ad jaho imia mohuć vymańvać hrošy, prapanoŭvać sumnieŭnyja schiemy i «rozyhryšy» abo sprabavać atrymać asabistyja źviestki.
«Ludzi, jakija stvaryli hety akaŭnt, razmaŭlajuć nibyta ad majho imia i prapanujuć svaim abanientam pierajści na niejki Telegram-akaŭnt. Ni ŭ jakim razie nie pierachodźcie ni pa jakich spasyłkach, nie viadziciesia na razmovy i na toje, što piša čałaviek, nibyta heta ja», — papiaredziŭ śpiavak.
Jon taksama paprasiŭ padpisčykaŭ paskardzicca na fejkavy profil u TikTok.
Alaksiej Chlastoŭ — adzin ź viadomych biełaruskich estradnych śpievakoŭ. Apošnija hady jon faktyčna pazbaŭleny mahčymaści pracavać pa prafiesii. Raniej «Naša Niva» pisała, što z kanca 2021 hoda Chlastoŭ nie moža vystupać z kancertami. U 2023 hodzie stała viadoma, što artyst trapiŭ u «čorny śpis» i jamu zabaroniena vystupać navat na karparatyvach. U vyniku Chlastoŭ pajšoŭ pracavać taksistam.
U mai 2026 hoda śpievaka zatrymali. Jon trapiŭ na Akreścina, atrymaŭ 14 sutak administracyjnaha aryštu za «drobnaje chulihanstva».
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary