Ikra i pienistaje — biez abmiežavańniaŭ. Što dajuć u minskim hateli na śniadanak za 150 rubloŭ FOTA
Prychodzić u restaran mohuć nie tolki pastajalcy hatela.
Śniadanak za 150 rubloŭ prapanujuć u restaranie Zolo pry hateli Waldorf Astoria, jaki niadaŭna adkryŭsia na bierazie Śvisłačy kala Vialikaha teatra. Naviedvać restaran mohuć nie tolki pastajalcy, piša Onlíner.
U budni śniadanak padajuć z 6:30 da 10:30, u vychadnyja — da 11:00. A dziaviataj ranicy ŭ budny dzień zała była amal pustaja, ale bližej da zakančeńnia śniadanku naviednikaŭ stała bolš.
Pry ŭvachodzie haściam prapanujuć biezałkaholny «vitaminny šot» z rabiny, jabłyka, małočnaha ŭłunu i inžyru. Dalej — vypiečka, tarty, zapiakanka, sadavina, piać vidaŭ johurtu, tvaroh. Jość asobny stoł z praduktami biez hlutenu i dziciačaja zona ź piure, sokami, chlabcami, sadavinoj i hłazuravanymi syrkami.
Najbolš prykmietnaja pazicyja — čyrvonaja ikra ŭ vialikaj ikornicy. Brać jaje možna biez abmiežavańniaŭ, adnak, pavodle nazirańniaŭ žurnalista, ažyjatažu kala ikry nie było: hości kłali da blinoŭ pa adnoj łyžcy.
Čornaj ikry na šviedskim stale niama. Jaje možna zamović asobna: 30 hramaŭ ikry białuhi ź mini-blinami kaštujuć 210 rubloŭ.
Z ryby jość łasoś, sieladziec, pałtus i vuhor. Taksama prapanujuć syr ź ćvillu, marynavanyja hryby i niekalki vidaŭ raślinnaha małaka, u tym liku bananavaje i fistaškavaje.
Haračyja stravy bolš zvykłyja: skrembł, biekon, sasiski, syrniki, vareniki z bulbaj i draniki, jakija nazvali chešbraŭnami. Jaječnyja stravy hatujuć na zamovu. U ahulny košt za 150 rubloŭ uvachodzić, naprykład, «minski bieniedykt» z łasosiem, špinatam, čyrvonaj ikroj i hałandskim sousam. Asobna ŭ mieniu jon kaštuje 45 rubloŭ.
Biez dapłaty možna zakazvać kavu, śviežavycisnutyja apielsinavy, hrejpfrutavy i źmiešany soki, a taksama kreman — francuzskaje pienistaje vino. Kolkaść kielichaŭ nie abmiažoŭvajecca, jość i biezałkaholny varyjant.
Kali zakazvać śniadanak nie ŭ farmacie šviedskaha stała, francuzski tost kaštuje 30 rubloŭ, syrniki — 25, draniki — 40, kapučyna — 15, a šklanka śviežavycisnutaha apielsinavaha soku — 30 rubloŭ.
Samy tanny numar u hateli kaštuje ad 1400 rubloŭ za noč.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary