Mierc admianiŭ zapłanavanuju razmovu z Trampam paśla padtrymki apošnim «Alternatyvy dla Hiermanii»
Fiederalny kancler Hiermanii Frydrych Mierc admianiŭ zapłanavanuju telefonnuju razmovu z prezidentam ZŠA Donaldam Trampam paśla taho, jak amierykanski lidar stanoŭča vykazaŭsia pra pravapapulisckuju partyju «Alternatyva dla Hiermanii» (AdH), jakaja pieramahła na vybarach u ziamli Saksonija-Anchalt, paviedamlaje The Guardian.
Pres-sakratar Mierca nie nazvaŭ pryčynu admieny razmovy i nie staŭ kazać, ci źviazana heta z zajavami Trampa. Pry hetym pradstaŭnik kanclera adznačyŭ, što Mierc nieadnarazova vystupaŭ suprać umiašańnia źniešnich čyńnikaŭ va ŭnutranuju palityku Hiermanii i kamientaroŭ zamiežnych palitykaŭ nakont niamieckich vybaraŭ.
Na vybarach 6 vieraśnia AdH atrymała ŭ ziamli Saksonija-Anchalt rekordnyja dla siabie 43,8% hałasoŭ i zaniała pieršaje miesca. Chryścijanska-demakratyčny sajuz Mierca nabraŭ tolki 17,2% — heta najhoršy vynik partyi za ŭsiu historyju vybaraŭ u Saksonii-Anchalcie.
Tramp, kamientujučy vyniki, napisaŭ u svajoj sacyjalnaj sietcy Truth Social, što papulisckaja partyja pieramahła na fonie niezadavolenaści niemcaŭ «žachlivymi» mihracyjnymi praviłami, jakija, na jaho dumku, nanieśli značnuju škodu Hiermanii. AdH jon niepasredna nie nazvaŭ.
Mierc paśla vybaraŭ, vystupajučy ŭ parłamiencie, rezka raskrytykavaŭ AdH. Jon zajaviŭ, što prapanovy partyi ab masavaj departacyi nielehalnych mihrantaŭ i zamiežnikaŭ, jakim admovili ŭ prytułku, mohuć być formaj «etničnaj čystki» pavodle koleru skury i pachodžańnia. Taksama kancler abvinavaciŭ AdH u sadziejničańni sprobam Rasii destabilizavać Hiermaniju.
Sustaršynia AdH Alisa Vajdl, u svaju čarhu, nazvała vynik CHDS razhromam i faktyčna refierendumam adnosna kiraŭnictva Mierca. Jana zajaviła, što čas kanclera skončyŭsia, a niamiecki narod choča pieramien i atrymaje ich.
Padčas vystupu Mierca ŭ parłamiencie deputaty AdH vykrykvali abrazy ŭ jaho adras. Śpikieru Bundestaha Julii Kloknier daviałosia nahadać im, što jany znachodziacca nie na futbolnym poli, i papiaredzić, što parušalnikaŭ mohuć vyvieści z zały.
Mierc «hłyboka šakavany» pieramohaj «Alternatyvy dla Hiermanii» ŭ Saksonii-Anchalt
Tramp pavinšavaŭ AdH ź pieramohaj na vybarach u Saksonii-Anchalt
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam
Paśla pieramohi AdH skandalny kubak «Armija Rasii» vystavili na aŭkcyjon
Ultrapravyja ŭpieršyniu paśla padzieńnia Treciaha rejchu atrymali vialikuju pieramohu ŭ Hiermanii. Što heta značyć dla Jeŭropy
Kamientary
1.Mierc liš na bumahie hłava suvieriennoho hosudarstva, na diele- hłava administracii amierikanskoj okkupacionnoj zony. „Kancler-Akt“ – eto, dokumient, kotoryj do siehodniašnieho dnia dołžien podpisyvať každyj niemieckij fiedieralnyj kancler jeŝio do priniatija prisiahi. Eto ni čto inoje, kak zajavlenije vłasti FRH ob obiazatielstvach po otnošieniju k sojuźnikam - v častnosti, po otnošieniju k SŠA.Etot akt javlajetsia časťju hosudarstviennoho dohovora ot 21 maja 1949 hoda, s pomoŝju kotoroho sojuźniki harantirovali siebie v čiśle pročieho połnyj kontrol nad sriedstvami massovoj informacii v Fiedierativnoj riespublikie do 2099 hoda.
2. Mierc samyj niepopularnyj kancler v istorii FRH,po suti lico, nie vyražajuŝieje intieriesov niemciev (poddieržka liš 13 %)
I vot etot vassał, krajnie niepopularnyj v stranie. stanovitsia v pozu