Pad Hrodnam znajšli baravik, jaki pretenduje na rekord hetaha siezonu FOTAFAKT
Žycharu Hrodna pašancavała znajści baravik-hihant u lesie kala vioski Rybnica Hrodzienskaha rajona. Mužčyna raskazaŭ pra znachodku partału Newgrodno.by.
Doma hryb uzvažyli. Da dvuch kiłahramaŭ jamu nie chapiła ŭsiaho 300 hramaŭ — baravik paciahnuŭ na 1,7 kiłahrama.
Pry hetym najbolš ździviła toje, što, niahledziačy na svaje pamiery, hryb byŭ całkam zdarovym i nie čarvivym. Zvyčajna taki vialiki ekzemplar moh by być užo starym i paškodžanym.
Doŭha lubavacca znachodkaj nie stali. Baravik nieŭzabavie pryhatavali na patelni z bulbaj, cybulaj i śmiatanaj. Hrybnik adznačyŭ, što atrymałasia vielmi smačna.
Vialikija baraviki biełarusy znachodziać sioleta ŭžo nie ŭpieršyniu. U kancy lipienia paviedamlałasia pra sapraŭdnaha lasnoha vołata, jaki ŭ niekalki razoŭ pieraŭzychodziŭ zvyčajnyja baraviki i pa pamierach byŭ paraŭnalny ledź nie z sabakam. Zvyčajny nož nie spraviŭsia z takoj znachodkaj, tamu hryb daviałosia siačy siakieraj.
Jašče adzin vialiki baravik znajšli ŭ Minskaj vobłaści. Jon zakryvaŭ saboj cełaje viadro drobnych hryboŭ i važyŭ 1590 hramaŭ.
A niadaŭna žychar Dobruša Uładzimir Pavialčuk znajšoŭ baravik z šapkaj bolšaj za čałaviečuju hałavu. Jana mahła całkam nakryć 10‑litrovaje viadro. Mužčyna pryznaŭsia, što ŭpieršyniu sustreŭ takoha «monstra», i nazvaŭ hetuju znachodku svaim rekordam.
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary