Biełarusa zatrymali ŭ varšaŭskim aeraporcie za kantrabandu cyharet pavietranymi šarami
Supracoŭniki Padlašskaha adździeła Pamiežnaj słužby i Vajavodskaj kamiendatury palicyi ŭ Biełastoku ŭ ramkach rasśledavańnia kantrabandy cyharet ź Biełarusi ŭ Polšču z vykarystańniem mietearałahičnych pavietranych šaroŭ zatrymali čatyroch čałaviek, paviedamlaje pres-słužba polskaj Pamiežnaj varty.
9 vieraśnia supracoŭniki pamiežnaj zastavy ŭ Kuźnicy i adździeła baraćby z ekanamičnaj złačynnaściu Vajavodskaj kamiendatury palicyi ŭ Biełastoku praviali skaardynavanuju apieracyju i zatrymali čatyroch členaŭ arhanizavanaj złačynnaj hrupy.
Hramadzianina Biełarusi, jakoha padazrajuć u arhanizacyi adpraŭki cyharet ź Biełarusi ŭ Polšču i ŭdziele ŭ arhanizavanaj hrupie, jakaja zajmałasia kantrabandaj tytuniovych vyrabaŭ, pamiežniki zatrymali ŭ mižnarodnym aeraporcie imia Fryderyka Šapena ŭ Varšavie.
Jašče adnaho padazravanaha, hramadzianina Polščy, jakoha śledstva ličyć kiraŭnikom złačynnaj hrupy, zatrymali na aŭtamabilnym pamiežnym pierachodzie ŭ Kuźnicy. Prakuror paprasiŭ sud uziać abodvuch mužčyn pad vartu na try miesiacy. Sud zadavoliŭ hetaje chadajnictva, i jany buduć źmieščanyja ŭ śledčy izalatar.
Jašče dvuch členaŭ hrupy, hramadzian Polščy, supracoŭniki adździeła baraćby z ekanamičnaj złačynnaściu zatrymali ŭ Biełastoku. U dačynieńni da ich abrali inšyja miery: palicejski nahlad, zabaronu pakidać krainu i majomasnyja zakłady sumaj 10 tysiač i 20 tysiač złotych (adpaviedna 2710 i 5420 dalaraŭ).
Sabranyja dokazy stali padstavaj dla vystaŭleńnia zatrymanym abvinavačańniaŭ va ŭdziele ŭ arhanizavanaj złačynnaj hrupie i jaje kiraŭnictvie. Śledčyja ličać, što ŭdzielniki hrupy pierapraŭlali partyi cyharet ź Biełarusi ŭ Polšču pavietranym šlacham, vykarystoŭvajučy mietearałahičnyja pavietranyja šary. Paśla hetaha kantrabandnyja cyharety pieravozilisia, zachoŭvalisia i pradavalisia ŭ Polščy.
Usim zatrymanym taksama vystavili abvinavačańni pavodle zakona ab śpiecyjalnych mierach pa supraćdziejańni padtrymcy ahresii suprać Ukrainy i abaronie nacyjanalnaj biaśpieki. Za inkryminavanyja im dziejańni pahražaje pakarańnie ŭ vyhladzie pazbaŭleńnia voli terminam nie mienš za try hady.
Rasśledavańnie maje niekalki kirunkaŭ. Z pačatku spravy abvinavačańni ŭžo vystavili bolš čym 150 padazravanym.
Kantrabandnyja cyharety schavali ŭ čyhunačnaj cysternie z vadkaj smałoj
Biełarus sprabavaŭ pravieźci ŭ Polšču cyharety ŭ rubierojdzie
U Biełastoku sudziać dvuch biełarusaŭ i palaka za kantrabandu cyharet z dapamohaj dronaŭ
Biełarusa, jaki pracavaŭ u niamieckaj palicyi, pazbavili piensii — bo vaziŭ kantrabandaj cyharety ź Biełarusi na dypłamatyčnym aŭto
«My ŭsie byli na roŭnych». Były polski mytnik z Babroŭnikaŭ raskazaŭ pra ŭdzieł u kantrabandzie cyharet ź Biełarusi
Kamientary
[Zredahavana]