Kaja Kałas: Ciapier nie čas asłablać cisk na Maskvu, u paniadziełak budzie novy pakiet sankcyj
Viarchoŭnaja pradstaŭnica Jeŭrasajuza pa zamiežnych spravach i palitycy biaśpieki Kaja Kałas zajaviła, što prypynieńnie amierykanskich sankcyj suprać rasijskaha dyzielnaha paliva pryniasie Rasii dadatkovyja dachody dla viadzieńnia vajny suprać Ukrainy. Pra heta jana napisała ŭ sacsietcy X 10 kastryčnika, kamientujučy damoŭlenaść ZŠA i Rasii ab pastaŭkach paliva.
Kałas padkreśliła, što ciapier nie čas asłablać cisk na Maskvu i Jeŭropa nie źbirajecca hetaha rabić. U paniadziełak ministry zamiežnych spraŭ krain ES płanujuć zaćvierdzić najbujniejšy z pačatku vajny pakiet sankcyj, nakiravany suprać rasijskaj vajennaj mašyny.
Pa słovach Kałas, za dva dni ŭ vyniku rasijskich udaraŭ zahinuli bolš za 80 mirnych žycharoŭ Ukrainy. Akramia taho, Maskva ŭzmacniła hibrydnyja ataki na Jeŭropu, u tym liku na krainy — sajuźnicy z NATA.
Damoŭlenaść ab pastaŭkach rasijskaha dyziela była abvieščanaja prezidentam ZŠA Donaldam Trampam uviečary 9 kastryčnika paśla telefonnaj razmovy z Uładzimiram Pucinym. Pavodle słoŭ amierykanskaha prezidenta, Rasija nieadkładna pastavić na rynki ZŠA i inšych krain bolš za 300 tysiač ton dyzielnaha paliva, jašče 500 tysiač ton — na praciahu listapada, a zatym — miljon ton. U dalejšym, u zaležnaści ad stanu rasijskich naftapierapracoŭčych zavodaŭ, Maskva pavinna ŭ karotkija terminy zabiaśpiečyć pastaŭki jašče troch miljonaŭ ton paliva. Kreml paćvierdziŭ damoŭlenaść.
Dla ažyćciaŭleńnia ździełki Ministerstva finansaŭ ZŠA vydała licenziju, jakaja dazvalaje pravodzić apieracyi z rasijskim dyzielem, raniej zabaronienyja praz sankcyi. Jana budzie dziejničać da 7 krasavika 2027 hoda. Rasijskija ŭłady, u svaju čarhu, daterminova admianili abmiežavańni na ekspart hetaha vidu paliva.
Prezident Ukrainy Uładzimir Zialenski nazvaŭ damoŭlenaść pamiž Vašynhtonam i Maskvoj «inviestycyjaj u vajnu» i zaklikaŭ ZŠA ŭzmacnić cisk na Rasiju, kab dasiahnuć spynieńnia ahniu.
Zialenski zajaviŭ, što Ukraina nie budzie atakavać rasijskija naftapierapracoŭčyja pradpryjemstvy, kali Rasija pierastanie razburać ukrainskuju enierhietyčnuju infrastrukturu. Pavodle jaho, Kijeŭ prapanuje ZŠA mienavita takuju damoŭlenaść i ličyć, što amierykanskaha ŭpłyvu dastatkova, kab damahčysia hetaha kampramisu.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary
VKL s tiem žie uśpiechom možiet dať rakiety.