Tramp zajaviŭ ab hałavakružnaj chutkaści ŭrehulavańnia bajoŭ va Ukrainie
«Ja vyratavaŭ bolš žyćciaŭ, čym chto-niebudź u historyi».
Pracesy ŭrehulavańnia rasijska-ŭkrainskaha kanfliktu, a taksama vajny ZŠA i Irana adbyvajucca z ašałamlalnaj chutkaściu, zajaviŭ u Truth Social Donald Tramp.
«Ale zabudźciesia pra ich — havorka pra tyja vosiem vojnaŭ, jakija ja ŭžo ŭrehulavaŭ. Luboj ź ich, i asabliva vajny pamiž Pakistanam i Indyjaj, było b bolš čym dastatkova, kab atrymać Nobieleŭskuju premiju.
Nasamreč ja pavinien byŭ atrymać vosiem nobieleŭskich premij miru, a nie adnu», — dadaŭ jon.
Taksama ŭ jakaści ŭrehulavanych im vojnaŭ Tramp pryvioŭ kanflikty pamiž Kambodžaj i Tajłandam, Sierbijaj i Kosava, Konha i Ruandaj, Izrailem i Iranam, Jehiptam i Efiopijaj, Armienijaj i Azierbajdžanam, a taksama Izrailem i CHAMAS.
Amierykanski lidar taksama zajaviŭ, što spyniŭ Iran na šlachu da stvareńnia jadziernaj zbroi i praduchiliŭ źniščeńnie Izraila, Blizkaha Uschodu i Jeŭropy.
«Ja vyratavaŭ bolš žyćciaŭ, čym chto-niebudź u historyi, i, jak Maryja Karyna Mačada, sapraŭdy vydatny čałaviek, zajaviła ŚMI, kali ŭručyła mnie svaju Nobieleŭskuju premiju za minuły hod: «Donald Tramp urehulavaŭ šmat vojnaŭ i zasłuhoŭvaje Nobieleŭskaj premii miru bolš, čym luby čałaviek, jaki kali-niebudź jaje atrymlivaŭ».
Zychodziačy z maich dasiahnieńniaŭ u spravie miru, z vynikaŭ, jakich nichto inšy nikoli nie dasiahaŭ, ja zhodny!
Ja viarnuŭ usich zakładnikaŭ u Izraili, u tym liku apošnich 28, jak žyvych, tak i miortvych, i pracavaŭ z CHAMAS, kab heta zrabić. Nichto nie vieryŭ, što heta mahčyma!
Ja adchiliŭ ad ułady złoha dyktatara śvietu, Nikałasa Madura, u Vieniesuele i znachodžusia ŭ pracesie pieratvareńnia Vieniesueły ŭ bahatuju demakratyju.
Anałahičnym čynam, u vypadku ź Iranam, ja spyniŭ ich sproby źniščyć Izrail, Blizki Uschod i Jeŭropu.
Ja taksama pastajanna praduchilaju vajnu pamiž Paŭdniovaj Karejaj i Paŭnočnaj Karejaj, a taksama pamiž Japonijaj i Paŭnočnaj Karejaj.
Dadajcie siudy Kitaj i Tajvań, a taksama šmatlikija inšyja haračyja kropki, jakija nie byli ŭciahnutyja ŭ vojny tolki dziakujučy prezidentu Donaldu Trampu i Złučanym Štatam Amieryki.
Ja niasu adkaznaść za toje, što krainy NATA pavialičyli vydatki z 2% da 5% VUP, stvaryŭšy bolš mocny aljans i abaronu, — jašče adna reč, jakuju ŭsie ličyli niemahčymaj.
Ja vioŭ pieramovy ab vyzvaleńni i zabiaśpiečyŭ viartańnie bolš čym 900 palityčnych źniavolenych z roznych krain Uschodniaj Jeŭropy.
Akramia taho, ja viarnuŭ dadomu 196 zakładnikaŭ, jakija znachodzilisia ŭ pałonie pa ŭsim śviecie, i zrabiŭ heta biez vypłaty vykupu, u adroźnieńnie ad Bajdena i Abamy, jakija płacili miljardy dalaraŭ.
U dadatak da ŭsiaho hetaha ja stvaryŭ umovy dla chutkaha roskvitu Arktyki.
Niahledziačy na ŭsio heta, Nobieleŭskuju premiju siońnia [u piatnicu—NN] ŭručyli libieralnamu čałavieku, jaki pracuje ŭ AAN i pra jakoha nichto nikoli nie čuŭ.
Va ŭsich vojnach, jakija ja ŭrehulavaŭ, ja nikoli nie razmaŭlaŭ z Arhanizacyjaj Abjadnanych Nacyj— ad jaje nie było nijakaj dapamohi.
Złučanyja Štaty Amieryki, pradstaŭlenyja mnoj, jak vašym prezidentam, pavinny byli atrymać Nobieleŭskuju premiju miru, ale nie atrymali jaje.
Heta niezhładžalnaja plama na Narviehii, jakaja nikoli nie budzie zabytaja.
Nobieleŭskaja «premija miru» nazaŭždy dyskredytavanaja žmieńkaj radykalnych ideołahaŭ, jakija vystupajuć suprać demakratyi i źjaŭlajucca vorahami cyvilizacyi!» — napisaŭ Tramp.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki4
Kamientary
[Zredahavana]