Viadomaja supiermadel vyjšła na podyum praz šeść tydniaŭ paśla rodaŭ. U sacsietkach tolki i razmoŭ pra jaje fihuru
Vienhierskaja supiermadel Barbara Pałvin stała hałoŭnaj zorkaj pakazu Victoria's Secret.
18 kastryčnika ŭ Łos-Andželesie prajšoŭ štohadovy pakaz Victoria's Secret Fashion Show. Adnoj ź jaho hałoŭnych hieraiń stała 33‑hadovaja Barbara Pałvin, jakaja znoŭ vyjšła na podyum praz šeść tydniaŭ paśla naradžeńnia dački Silvi.
Madel prademanstravała dva ŭbory. U adnym z vychadaŭ jana źjaviłasia ŭ piaščotna-ružovym karunkavym pieńjuary. Vobraz dapaŭniali vialikija siarebranyja zavušnicy-kolcy i tufli na špilkach.
Dla druhoha vychadu Pałvin nadzieła biełaje bodzi, rasšytaje bliskučymi kamianiami, i karotkija šorciki ŭ ton. Za jaje śpinaj krasavalisia vielizarnyja kryły — znakamity atrybut pakazaŭ Victoria's Secret.
U pieršym radzie za joj naziraŭ muž — amierykanski akcior Dyłan Spraŭz. Jon niekalki razoŭ ustavaŭ ź miesca, kab padtrymać žonku.
U pakazie taksama ŭdzielničali takija supiermadeli, jak Adryjana Lima, Alesandra Ambrosia, Rozi Chantynhtan-Uajtli, Beła Chadzid, Kendis Svaniepuł. A samy darahi biusthaltar — Fantasy Bra, — upryhožany 4400 pryrodnymi dyjamientami, koštam 50 miljonaŭ dalaraŭ, prademanstravała Kajli Džener, zorka realici-šou ź siamiejstva Kardašjan.
Barbara Pałvin i Dyłan Spraŭz ažanilisia ŭ Vienhryi ŭ lipieni 2023 hoda. Ich pieršaje dzicia, dačka Silvi, naradziłasia 7 vieraśnia 2026-ha.
U intervju People madel pryznałasia, što pieršyja tydni maciarynstva stali dla jaje sapraŭdnymi «amierykanskimi horkami». Jany z mužam tolki vučacca być baćkami, i novaje žyćcio prynosić im jak radasnyja momanty, tak i niečakanyja ciažkaści.
Pry hetym Barbara z asablivaj ciepłynioj raskazała pra muža. Pavodle jaje słoŭ, Dyłan nibyta byŭ narodžany dla taho, kab stać baćkam dziaŭčynki.
Viartańnie Pałvin na podyum praz taki karotki čas paśla rodaŭ vyklikała chvalu zachapleńnia ŭ sacsietkach. Žančyny abmiarkoŭvali, jak joj udałosia tak chutka viarnucca da pracy i prademanstravać siabie na adnym z samych viadomych modnych pakazaŭ śvietu.
Ale sama Barbara pastaviłasia da hetych kamplimientaŭ strymana.
«Zaŭtra budzie roŭna šeść tydniaŭ paśla rodaŭ. Nakolki ja razumieju, u ZŠA bolšaści žančyn davodzicca viartacca na pracu praz šeść tydniaŭ. Tamu heta nie takaja ŭžo vialikaja padzieja», — skazała jana ŭ intervju People napiaredadni pakazu.
Pry hetym madel pryznałasia, što rada mahčymaści viarnucca na podyum i ŭdziačnaja Victoria's Secret za padtrymku žančyn paśla naradžeńnia dziaciej.
Amierykanskaja sistema dekretnych adpačynkaŭ dla nas niazvykłaja. Jak piša Business Insider, u adroźnieńnie ad mnohich jeŭrapiejskich krain, u ZŠA niama ahulnanacyjanalnaj harantyi apłatnaha adpačynku paśla naradžeńnia dziciaci dla ŭsich rabotnic.
Fiederalnaje zakanadaŭstva daje častcy supracoŭnic prava na 12 tydniaŭ nieapłatnaha adpačynku z zachavańniem pracoŭnaha miesca, ale nie ŭsie žančyny adpaviadajuć umovam jaho atrymańnia. U asobnych štatach dziejničajuć ułasnyja prahramy apłatnaha adpačynku.
Pavodle danych Fiederalnaha reziervovaha banka Minieapalisa, apublikavanych u 2026 hodzie, amierykanskija žančyny paśla naradžeńnia dziciaci pravodziać u adpačynku ŭ siarednim 7,2 tydnia.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju6
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary