Hranitnyja plity, kryžy, aharodžy. Siamja znajšła ŭ lesie mohiłki chatnich žyvioł
Zvyčajnaja prahułka pa lesie pad Babrujskam abiarnułasia dla miascovaj siamji niepryjemnym adkryćciom.
Usiaho za sto mietraŭ ad žyłoj zabudovy mikrarajona Zachodni jany vyjavili stychijnyja mohiłki chatnich žyvioł, jakija za apošnija hady razraślisia da maštabaŭ paŭnavartasnaha niekropala, piša Onliner.by.
Lasnaja ŭskraina litaralna ŭsiejanaja mahiłkami, abharodžanymi płastykavymi i mietaličnymi aharodžami i ŭpryhožanymi viankami i kvietkami. A dzie-nidzie jość navat hranitnyja pomniki abo kryžy.
Čytač, jaki dasłaŭ u redakcyju Onliner.by fatahrafii, aburyŭsia takim padychodam, adznačyŭšy, što pad vyhladam zachavańnia pamiaci pra žyvioł les pieratvarajecca ŭ zachłamlenuju zvałku z płastyku i štučnych materyjałaŭ.
— Nu chočacie vy pachavać svaju žyviołu — pasadzicie na hetym miescy dreva! I pryrodzie zrobicie dobruju spravu, i sabie aryjencir nazaŭsiody pakiniecie. Ja prosta ŭražany tym, jak našy ludzi lubiać ciahać usialakaje śmiećcie ŭ les. Tut štrafavać treba pa poŭnaj prahramie! — aburyŭsia miascovy žychar.
Miž tym z punktu hledžańnia biełaruskaha zakanadaŭstva padobnyja stychijnyja miemaryjały znachodziacca pa-za zakonam. Zhodna ź dziejučymi sanitarnymi i vieterynarnymi praviłami, chavać pamierłych chatnich žyvioł u lasach, parkach, dvarach i lubych inšych nieŭładkavanych miescach kateharyčna zabaroniena.
Cieły žyvioł jurydyčna pryraŭnoŭvajucca da bijałahičnych adchodaŭ, jakija patrabujuć śpiecyjalizavanaj utylizacyi. Bieskantrolnyja pachavańni ŭ ziamli niasuć patencyjnuju ekałahičnuju i sanitarnuju pahrozu: raskładańnie reštkaŭ moža zabrudžvać hlebu i hruntavyja vody, a taksama pryciahvać dzikich žyvioł abo stvarać niebiaśpieku dla inšych chatnich hadavancaŭ.
Za stvareńnie niesankcyjanavanych mohilnikaŭ i zachłamleńnie lesaparkavych zon praduhledžanaja administracyjnaja adkaznaść — až da značnych štrafaŭ pamieram da 30 bazavych vieličyń (siońnia 1350 rubloŭ).
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary