Udzielnik padziej 19 śniežnia Siarhiej Paŭlukievič raspavioŭ pra sprobu zavierbavać jaho.
Udzielnik padziej 19 śniežnia Siarhiej Paŭlukievič raspavioŭ pra sprobu zavierbavać jaho.
— Na čaćviorty ci piaty dzień źniavoleńnia nas, pryblizna siem čałaviek, paviali z kamiery na dopyt da śledčych. My prabyli tam kala paŭtary hadziny. Dapytvali nakont płoščy. Kali my viarnulisia ŭ kamieru, to zaŭvažyli, što našy rečy abšukvali. My bajalisia, što mohuć što-niebudź padkinuć, a potym skazać, maŭlaŭ, śviecić nam za heta paru hadoŭ turmy. Abyšłosia. A praz chvilinaŭ dziesiać mianie vyklikali biez rečaŭ. Strašna było spačatku, bo ja zrazumieŭ, što viaduć da KDBistaŭ. Nie pamyliŭsia. Ich było dvoje ŭ pakoi.
«Nu vsio, Sierhiej, ty popał. Ty znaješ, čto vozbuždieno uhołovnoje dieło po faktu hośpierievorota?» — pačali jany. Ale ŭ nas užo była presa praź pieradačy, i my viedali, što zaviedziena kryminalnaja sprava pa fakcie «masavych biesparadkaŭ». Ja pakazaŭ svaju daśviedčanaść.
«Vot kohda ja dam tiebie po mordie, razhovor po-druhomu pojdiot».
Ale nie bili. Karaciej krucili-krucili, a potym pačali šantažavać. Maŭlaŭ, ci hatovy ja ŭ vojsku słužyć. Paśla pačali pahražać, što KDB moža stvaryć mnie i majoj siamji prablemy, adličyć mianie i maju siastru z univiersiteta. A kali ŭbačyli, što heta nie dziejničaje, zahavaryli pa-inšamu. Ja zapytaŭsia, što jany ad mianie chočuć. Kab ja daŭ dla BT niejkaje intervju? Kab iłžeśviedčyŭ suprać kandydataŭ?
«My zaintieriesovany v poiskie informacii o Mołodom Frontie, Litvinskom kłubie, Dvižienii buduŝieho i druhich nacionalno-oppozicionnych orhanizacijach,
protiv etoj piatoj kołonny, kto ich finansirujet, kto ich riealnaja vierchuška, ċji intieriesy oni łobbirujut i t.d.» Ja im kažu: «Značyć, vy sprabujecie mianie zavierbavać u svaje infrmatary, kab ja «vniedriałsia» ŭ padobnyja arhanizacyi i «stučał» na ich?» Jany adkazali: «V principie, ty pravilno poniał». Ja adrazu admoviŭsia. Jany kažuć: «Nu vot čto tiebie nužno, tiebie dieńhi nužny? Skolko?» Prapanoŭvali dapamohu ŭ vyrašeńni prablem na vučobie. Naprykład, ja telefanuju im i mnie vykładčyki pastaviać luby zalik i patrebnuju adznaku pa ekzamienie. «Jeśli tiebia biespokoit srok, to my možiem, naprimier, zaklučiť s toboj «sdiełku» srokom na 5 let — v mahistraturie, aśpiranturie jeŝio poučišsia,
a potom, jeśli zachočieš i zdorov́je pozvolit, smožieš porabotať niekotoryj srok v štatie KHB».
Ja ŭsio roŭna admoviŭsia. Mianie vyvieli z pakoja. Ale adzin z KDBistaŭ vyjšaŭ za mnoj i spytaŭ, ci budu ja kamu raskazvać ab našaj razmovie. Ja paćvierdziŭ. «Nieužieli vot tak lubomu vstriečnomu na ulicie raskažieš?» — «Tak»…
Siarhiej Paŭlukievič za ŭdzieł u Płoščy byŭ asudžany na dziesiać sutak administracyjnaha aryštu. Paśla vyzvaleńnia ŭ jaho na kvatery praviali pieratrus, padčas jakoha zabrali kampjutar. Siarhiej źjaŭlajecca administrataram supołki «My za Vialikuju Biełaruś» na sajcie vkontakte.ru. Navučajecca na jurydyčnym fakultecie BDU.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary