Łancuhovaja reakcyja. Nacbank daŭ dazvoł na devalvacyju da 4500. Bieznajaŭny rubiel tym časam abvaliŭsia da 7000
Ale i pa novym kursie valuty ŭ abmieńnikach nie źjaviłasia. A banki niazdolny pradkazać kurs na zaŭtra.
Ale i pa novym kursie valuty ŭ abmieńnikach nie źjaviłasia. A banki niazdolny pradkazać kurs na zaŭtra.
U ranicu paniadziełka nivodzin bank nie parušyŭ miažy, pra jakuju Nacbank «prasiŭ» na minułym tydni. Adnak ad abieda pryjšło novaje rasparadžeńnie.
Užo ad abieda «Biełarusbank», «Biełahraprambank» i inšyja ŭstanovy padniali kurs da 4500. Adpaviedna, kurs jeŭra vyras da 6350 rubloŭ.
Jašče ŭranku paniadziełka banki praciahvali kuplać dalary pa 3990, pradavać — pa 4000. Kurs jeŭra składaŭ kala 5700–5750 rubloŭ.
Prachodziła infarmacyja, što Nacbank rekamiendavaŭ bankam da kanca minułaha tydny nie pierachodzić miažy 4000 za dalar. Rynak čakaŭ, ci nadydzie novaje ŭkazańnie ad nacyjanalnaha rehulatara. Da suboty pra jaho ničoha nie było viadoma.
Intryhi dadavaŭ toj fakt, što ad siońnia na pracu paśla paŭtaramiesiačnaj chvaroby vyjšaŭ staršynia Nacbanka Piatro Prakapovič.
I voś u paniadziełak stała jasna: Nacbank praciahvaje adstupać. Ale i pa novym kursie valuty ŭ abmieńnikach nie źjaviłasia.
Tym časam trend padzieńnia zachoŭvajecca i na rynku bieznajaŭnaj valuty. Jak paviedamlaŭ «Interfaks», siońnia ŭdzień kurs rubla tam źniziŭsia da 6300 za dalar. A pad viečar niekatoryja z bankaŭ stali prapanoŭvać dalary dla pradpryjemstvaŭ navat za 7000—8000 bieznajaŭnych rubloŭ. Jašče tydzień tamu kurs pazabiržavych apieracyj trymaŭsia na ŭzroŭni 5000–5200.
Takim čynam, usiaho ad 1 studzienia 2009 hoda rubiel na 105% (bieznajaŭny — navat na 185%). Tady dalar kaštavaŭ 2200 rubloŭ. Za hety ž čas uzrovień zarobkaŭ (pa padlikach Biełstata) vyras na 54%.
Biełaruś vyjšła ŭ absalutnyja lidary kantynienta pa tempie devalvacyi nacyjanalnaj valuty.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ20
Kamientary