Adnamu z najlepšych hulcoŭ Nacyjanalnaj chakiejnaj lihi ŭ historyi było 60 hadoŭ.
Pa infarmacyi adnoj z krynic, Lemjo byŭ znojdzieny svaim darosłym synam kala treciaj hadziny ranicy ŭ siamiejnaj meblevaj kramie paśla taho, jak jany zaniepakoilisia, što jon nie viarnuŭsia dadomu. Chakieist byŭ znojdzieny ŭ zadnim składskim pamiaškańni.
Apošniaje publičnaje źjaŭleńnie Lemjo adbyłosia ŭ paniadziełak, kali jon pranios pachodniu na arenu Bell Centre pierad pačatkam matča «Manreala» suprać «Karaliny».
Kłod Lemjo — adzin ź dzieviaci hulcoŭ, jakija vyjhravali Kubak Stenli z tryma roznymi kamandami: «Manreal Kanadyjens» (1986), «Ńju-Džersi Deviłz» (1995, 2000) i «Kałarada Eviełanš» (1996).
Za karjeru Leḿjo pravioŭ 234 matčy ŭ płej-of Kubka Stenli i zakinuŭ 80 šajbaŭ — heta dziaviaty pakazčyk u historyi NCHŁ. Jon słaviŭsia jak vielmi efiektyŭny hulec u vyrašalnych matčach, ale taksama mieŭ reputacyju žorstkaha i navat hrubaha chakieista. Asabliva viadomy incydent 1996 hoda, kali jaho siłavy pryjom pryvioŭ da ciažkaj traŭmy supiernika i mocnaha kanfliktu pamiž kamandami.
Na mižnarodnym uzroŭni jon vystupaŭ za zbornuju Kanady: vyjhraŭ moładzievy čempijanat śvietu ŭ 1985 hodzie i Kubak Kanady ŭ 1987-m, a taksama staŭ srebranym pryzioram Kubka śvietu ŭ 1996-m.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram27
Kamientary