Premjer Niderłandaŭ daścipna pažartavaŭ na sustrečy ź Cichanoŭskaj
Śviatłana Cichanoŭskaja ŭpieršyniu sustrełasia z novym premjer-ministram Niderłandaŭ Robam Jetenam u Haazie.
Jany abmierkavali padtrymku biełaruskaj hramadzianskaj supolnaści, pravaabaroncaŭ praź niderłandskija prahramy, mahčymaje dałučeńnie Niderłandaŭ da Mižnarodnaha humanitarnaha fondu dla dapamohi biełaruskim palitviaźniam, byłym palitźniavolenym i ich siemjam, mižnarodnuju adkaznaść režymu Łukašenki.
«Padčas pieršych sustreč z novymi palitykami zaŭsiody važna, jak kažuć, break the ice — rastapić lod. I tut heta adbyłosia vielmi niečakanym, navat u peŭnym sensie miemnym sposabam, — padzialiŭsia z «Našaj Nivaj» daradca Cichanoŭskaj Dzianis Kučynski. —
Premjer pačaŭ razmovu z taho, što skazaŭ: jon uvachodzić u top-5 samych maładych suśvietnych lidaraŭ (jon staŭ premjeram u 38 hadoŭ. — NN). I skazaŭ, što ŭ hetaj piaciorcy jość adzin niedemakratyčny lidar z Burkina-Faso, tamu kali ŭžo stvarać «kłub maładych lidaraŭ», to značna lepš uziać u top Śviatłanu Cichanoŭskuju (joj było 37 na momant vybaraŭ-2020. — NN).
My adkazali, što sapraŭdy bačyli hetuju statystyku pra maładych lidaraŭ. Ale ŭ biełaruskim tvitary, kali paraŭnoŭvali hetyja ličby, uźnikła jašče adna — 31», — kaža Kučynski pra inšuju karcinku, dzie sabrany dyktatary, jakija daŭžej za ŭsio pry ŭładzie, i siarod ich Łukašenka.
«My skazali, što hetuju ličbu treba jak maha chutčej spynić».
U praciah sustrečy Dzianis Kučynski na nastupnym tydni źbirajecca sazvońvacca z dyrektaram pa nacyjanalnaj biaśpiecy i zamiežnaj palitycy ofisa premjer-ministra Niderłandaŭ.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»3
Kamientary