Biełaruskaha futbalista aštrafavali za rekłamu prodažu aŭtamabilaŭ prosta padčas matča
U davoli cikavaj situacyi apynuŭsia futbalist dziaržynskaha «Arsienała» Dźmitryj Ancileŭski. Biełaruskaja fiederacyja futboła aštrafavała jaho na 30 bazavych vieličyń (1350 rubloŭ).
Niadaŭna ŭ Biełaruskaj fiederacyi futboła prajšło čarhovaje pasiadžeńnie kantrolna-dyscyplinarnaha kamiteta, na jakim na 30 bazavych vieličyń aštrafavali futbalista Dźmitryja Ancileŭskaha. Pryčyna ŭ rašeńni nie ŭkazvajecca, ale pakarańnie pryniata pavodle art. 100 «Inšyja parušeńni».
U im havorycca: «U vypadku, kali jakaja-niebudź asoba ździejśnić parušeńni i (abo) nievykanańnie rehłamientujučych dakumientaŭ FIFA, UEFA albo Asacyjacyi, jakija prama nie praduhledžany hetym Kodeksam, ale pa svajoj sutnaści źjaŭlajucca padobnymi (anałahičnymi) da nazvanych parušeńniaŭ, takaja asoba taksama padpadaje pad jurysdykcyju hetaha Kodeksa. U takim vypadku dyscyplinarnyja orhany majuć prava samastojna vybrać pakarańnie ź pieraliku sankcyj, kirujučysia pryncypam razumnaści i spraviadlivaści».
Vydańnie «Biełaruski futboł» vykazała zdahadku, što Ancileŭski moh atrymać štraf za niezvyčajny pierformans. Padčas niadaŭniaha matču z «Baranavičami» Dźmitryj zabiŭ hoł pramym udaram z vuhłavoha.
Paśla hetaha jon pakazaŭ u kamieru vizitoŭku z nadpisam Pont Auto i, prykłaŭšy ruku da vucha, prapanavaŭ tudy patelefanavać.
Jak vyśvietliłasia, takim čynam futbalist prarekłamavaŭ kampaniju, jakaja zajmajecca padboram, kuplaj i dastaŭkaj aŭtamabilaŭ z ZŠA, Kanady i Kitaja. Padobny žest niadaŭna zrabiŭ Tomaš Skubłak, jaki vystupaje ŭ premjer-lizie Kanady za «Inter» z Taronta. Chłopiec paśla zabitaha hoła prademanstravaŭ svaju ž vizitoŭku. Vyśvietliłasia, što, akramia futboła, Tomaš Skubłak pracuje ryełtaram.
U pres-słužbie Biełaruskaja fiederacyja futboła žurnalistu Onliner paćvierdzili, što štraf byŭ mienavita za rekłamu, i adznačyli: za padobnyja žesty karajuć nie tolki ŭ Biełarusi, ale i na bujnych mižnarodnych turnirach.
U 2012 hodzie forvard zbornaj Danii Nikłas Biendtnier padčas śviatkavańnia hoła pakazaŭ nižniuju bializnu z nazvaj bukmiekierskaj kampanii. U vyniku datčanina aštrafavali na 100 tysiač jeŭra i dyskvalifikavali na adzin matč.
Kamientary