Prezident Rumynii: Rasijski dron moh pamianiać trajektoryju paśla taho, jak jaho źbili ŭkraincy
Prezident Rumynii Nikušor Dan zajaviŭ, što dron, jaki trapiŭ minułaj nočču ŭ žyły dom u horadzie Hałac, moh źmianić trajektoryju paśla ŭździejańnia z boku ŭkrainskaj SPA. Pavodle jaho słoŭ, kali bieśpiłotniki pralatali nad terytoryjaj Ukrainy, častku ź ich źbili, a adzin, vierahodna, byŭ paškodžany i paśla hetaha palacieŭ u bok Rumynii.
Nikušor Dan adznačyŭ, što dron parazili kinietyčna, heta značyć fizičnym uździejańniem, a nie prosta jon vypadkova źmianiŭ kurs. Adnak pry hetym prezident Rumynii padkreśliŭ, što adkaznaść za incydent usio adno lažyć na Rasii, bo mienavita jana ažyćciaŭlała ataku.
U vyniku ŭdaru pa šmatpaviarchovym domie ŭ Hałacy paciarpieli dva čałavieki. Pavodle papiarednich danych, u dronie vykarystoŭvałasia nie mienš za 30 kiłahramaŭ vybuchovaha rečyva.
Rumynskija śpiecyjalisty praciahvajuć rasśledavańnie, vyvučajuć frahmienty bieśpiłotnika i inšyja dokazy ź miesca zdareńnia.
Prezident Ukrainy Uładzimir Zialenski paśla incydentu pravioŭ razmovu z rumynskim lidaram, vykazaŭ padtrymku i pažadaŭ chutkaha vyzdaraŭleńnia paciarpiełym. Jon taksama zajaviŭ, što Ukraina hatova supracoŭničać z Rumynijaj u pytańniach biaśpieki i abarony ad pahroz.
U svaju čarhu prezident Rasii Uładzimir Pucin zajaviŭ, što niama dastatkovych dokazaŭ datyčnaści Rasii da incydentu i prapanavaŭ pravieści dadatkovuju ekśpiertyzu. Jon taksama dapuściŭ, što dron moh być ukrainskim, i prapanavaŭ pieradać jaho frahmienty dla rasśledavańnia ŭ Rasiju.
U toj ža čas namieśnik staršyni Rady biaśpieki Rasii, były prezident Dźmitryj Miadźviedzieŭ nazvaŭ krainy ES «udzielnikami vajny» suprać Rasii i paabiacaŭ, što padobnyja incydenty na terytoryi Jeŭropy buduć praciahvacca.
Raniej paviedamlałasia, što bieśpiłotnik, jaki ŭpaŭ u Rumynii, byŭ typu «Hierań-2» i byŭ zapuščany z terytoryi Rasii padčas ataki na Ukrainu.
Miadźviedzieŭ zajaviŭ, što ŭdar rasijskaha bieśpiłotnika pa rumynskim domie nievypadkovy, i papiaredziŭ, što buduć inšyja
Rasijskaha konsuła ŭ rumynskaj Kanstancy abviaścili piersonaj non-hrata
NATA sklikaje ekstrannaje pasiadžeńnie paśla ŭdaru bieśpiłotnika pa šmatpaviarchovym domie ŭ Rumynii
U Rumynii rasijski dron trapiŭ u šmatpaviarchovik
Kamientary
Tot po połkam vsio razłožił.
Kak žie im udobno valiť vsio na Ukrainu i ukrainciev, v nadieždie, čto proniesiot.