Vyniki 2011 hoda.
Samy ŭpłyvovy
Lapis Trubiackoj — «Viasiołyja karcinki»i najlepšaja liryčnaja pieśnia Michałka «Ja vieriu», i bajavik «Hraj», jaki daŭ palityčnym pratestam łozunh «Hani bykoŭ!».Bolš upłyvovaha alboma ŭ Biełarusi nie było z časoŭ «Troch čarapach» N.R.M. U «Viasiołych karcinkach» —
Na novy albom «Lapisaŭ» adhuknuŭsia navat taki daloki ad roku čałaviek, jak Zianon Paźniak. Jon praročyŭ pieśni «Hraj» uklučeńnie ŭ skarbonku sučasnaj biełaruskaj muzyki.
«Michałok — tatujavany anarchist, uvieś ŭ nakołkach, što ŭdavaŭ ź siabie błazna, — čałaviek ź nialohkim minułym, jaki ŭźniaŭsia, adbiŭsia ad samaha dna, jaki źbiaroh svoj rozum, talent, sumleńnie i honar, jon jakraz akazaŭsia bolš nadziejnaj i vartaj pavahi asobaj, čym tyja, što byli na Parnasie i — spuścilisia ŭ stojła «bykoŭ».Samy ŭznaharodžany
Trojca — «Zimačka»
Tvor hienijalnaha etna-trya sabraŭ amal usie mahčymyja rehalii — ad pieršaj premii sajta muzyčnaj analityki Experty.by da aficyjnaj Pieršaj biełaruskaj muzyčnaj premii, dzie «Trojcu» pryznali hurtam hoda.
«Zimačka» poŭnicca takim aŭtentyčnym šamanstvam, hučyć takoj kolkaściu instrumientaŭ, takim hukam, ad jakoha muraški pa skury.
Samy aktualny
Akute — «Dzievački i kosmas»
Małady hurt Akute moža stać najpapularniejšym u krainie. Stanisłaŭ Mytnik i kampanija śpiavajuć pa-biełarusku idealny zachodni pop-rok.«Heta takaja kranalnaja papsa dla dziaŭčatak, adnak zroblena jana na vielmi vysokim uzroŭni, jak u The Killers ci Block Party, — kaža muzyčny krytyk Taćciana Zamiroŭskaja. — Ja bačyła, jak dziaŭčynki, jakija navat nie razumiejuć movy, razvučvajuć i śpiavajuć pa-biełarusku hetyja pieśni».
Tamu što ŭsie zorki — chałodnyja lalki
nikoli nie płačuć nikoli nie płačuć
i ja abiacaju ty bolej nikoli
mianie nie ŭbačyš mianie nie ŭbačyš...
Samy kłasičny
Pomidor/OFF — «Patas/Pops/Prapahanda»
Alaksandr Pamidoraŭ rychtavaŭ novy albom dziesiać hadoŭ. «Pieśni vykryštalizoŭvalisia na kancertach, materyjał padabraŭsia nadzvyčaj mocny», — kaža stvaralnik internet-partała «Tuzin hitoŭ» Siarhiej Budkin. Pamidoraŭ raznapłanavy muzyka. Jon udała realizavaŭsia ŭ repie, stvaryŭšy kłasičny «Cud na Kalady». Ale
tut Alaksandr pracuje ŭ žanry kłasičnaha biełaruskaha roku 1990-ch:Čarhovy dzień
I jak šery dym
Žyćcio adno
Ty ŭ im adzin
Ciabie irvie
Na ŭsie bakiDarma ściskaješ kułaki...
Samy ekzatyčny
Srebnaje viasielle — «Sardečnaja muskułatura»
Na purytanskaj biełaruskaj muzyčnaj scenie «Srebnaje viasielle» stvaraje takoje psichadelična-viasiołaje i aktualnaje kabare,jakoje mahli b prydumać chiba Biertolt Brecht, Edzit Pijaf, Łajza Mineli i Kurt Vajl, kali b sabralisia razam. «Sardečnaja muskułatura» — pieršy studyjny albom hurtu. Na radyjo jaho, viadoma ž, nie voźmuć — niefarmat. Adnak zamiežnych turaŭ u niezvyčajnaha «Srebnaha viasiella» — bolej čym u kaho. U albomie vakalistka Bieńka i jaje kamanda dakazali niemahčymaje: u kabare možna trapić, prosta ŭklučyŭšy płejer.
Lapis Trubiackoj — Hraj
Niedzie la raki, dzie nie maje brodu
Šeryja byki tančać karahody
Łancuhi ŭnačy adlivajuć złatam
Voran tam kryčyć z voŭkam, rodnym bratam.
Pałychaje tam vohnišča da nieba
Pjuć jany vino, zajadajuć chlebam
Pieśni im piajuć staryja cyhanki
Bjuć kapytam, bjuć, a ŭ niebie małanki!
Hetyja byki majuć svaju praŭdu:
Im nie treba sonca, ciemry im bahata
Im viasny nie treba, im zimy b pabolej
Kab ty, chłopiec, spaŭ na piačy ŭ niavoli!
Hraj! Šukaj! U snach junactva svaje mary!
Hraj! Hukaj! Viasny zialonaj ciopłaj čary!
Hraj! Śpiavaj! Družna pieśni rajskaj voli!
Hraj! Hraj! Hani bykoŭ — viarniecca dola!
Napiliś byki, skačuć pa krainie
Topčuć rušniki kapytami ŭ hlinie
Skačuć pa dvarach, adčyniajuć chaty,
Chto nie pachavaŭsia — budzie vinavatym!
Čempijony pa zapampoŭkach
Z udaskanaleńniem internetu padajuć prodažy dyskaŭ. Navošta kuplać, kali možna vyciahnuć ź sieciva — razvažajuć mnohija. Chto ž najpapularniejšy pa zapampoŭkach? Padajom statystyku pavodle adnaho z najbujniejšych torent-trekieraŭ rutracker.org.
1. «Lapis Trubiackoj» — «Viasiołyja karcinki» spampavany 58058 razoŭ.
2. «Srebnaje viasielle» — «Sardečnaja muskułatura» — 3370.
3. «Piatla Prystraści» — «Hipnapiedyja» — 1307.
4. «Trojca» — «Zimačka» — 1023.
5. Akute — «Dzievački i kosmas» — 574.
6. Pomidor/OFF — «Patas/Pops/Prapahanda» — pakul na torencie nie źjaŭlaŭsia.
Kamientary