43 (36). Рыгор Кісель
Генеральны дырэктар АНТ.
Калі падчас прэс-канферэнцыі Аляксандр Лукашэнка раптам узгадаў: «А Кісель такі беларускамоўны ў нас, ён піша мне на беларускай мове», — больш за ўсё здзівіўся сам Рыгор Кісель. Усё ж магілёўскі журналіст ніколі не вылучаўся піэтэтам да беларускай мовы.
Ягонае АНТ спрэс рускамоўнае, за выняткам святочных канцэртаў. Большасць праграм тэлеканала ўзятыя з Расіі. Рэтрансляцыя расійскіх серыялаў і забаўляльных праграм дазваляе Кісялю захоўваць за АНТ статус самага папулярнага канала Беларусі.
Цытата
«Займаюся бегам для сябе, а не напаказ. Жыву ў Драздах, бегаю ў парку там жа. У сярэднім 10 км. Магу 15 і 20 — як настрой і час дазваляюць».
Аб’ектыўка
Нар. у 1955 у вёсцы Здудзічы Светлагорскага раёна. Скончыў журфак БДУ (1979). Працаваў у газеце «Магілёўская праўда» (1979—1987), у Магілёўскім абкаме КПБ (1987—1990), рэдактарам газеты «Магілёўскія ведамасці» (1990–1994). Старшыня Белтэлерадыёкампаніі (1994—2000), пасол у Румыніі (2000—2002), старшыня праўлення АНТ (з 2002). Удавец, мае двух дзяцей.
* * *
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу11
Каментары