45 (58). Мікола Статкевіч
Палітвязень, экс-кандыдат у прэзідэнты.
Статкевіч ужо пяты год у зняволенні. Палітык прынцыпова не піша прашэнняў аб памілаванні. Падпалкоўнік запасу Статкевіч быў найбольш жорсткім крытыкам Лукашэнкі падчас кампаніі 2010 года. Заўсёды беларускамоўны, нашчадак старажытнага шляхецкага роду. Сёння ад лёсу Статкевіча ў вялікай ступені залежыць перспектыва развіцця беларуска-еўрапейскіх адносін. Апазіцыя разглядае сярод варыянтаў на наступныя выбары вылучэнне Статкевіча ў якасці адзінага, а ўлада няхай рэагуе як хоча. Сам Статкевіч — не супраць.
Цытата
«Прашэння аб памілаванні не дачакаюцца, я індульгенцыямі не гандлюю».
З ліста на волю, люты 2014.
Аб’ектыўка
Нар. у 1956 у вёсцы Лядна Слуцкага раёна. Скончыў Мінскае вышэйшае інжынернае зенітна-ракетнае вучылішча (МВІЗРВ) СПА. Абараніў кандыдацкую дысертацыю і выкладаў у МВІЗРВ. Кандыдат тэхнічных навук, падпалкоўнік запасу. 20 жніўня 1991 публічна выступіў супраць путчу ў Маскве. Тады ж абвясціў аб стварэнні Беларускага згуртавання вайскоўцаў. Мікалай Статкевіч быў адным з кандыдатаў у прэзідэнты на выбарах у 2010. Яго арыштавалі ў дзень Плошчы — 19 снежня 2010. Асуджаны на 5,5 года зняволення. У адрозненне ад некаторых іншых кандыдатаў, не пісаў прашэння аб вызваленні.
* * *
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары