40 (–). Павел (свецкае імя Георгій Панамароў)
Прадстаяцель Беларускай праваслаўнай царквы, Мітрапаліт Мінскі і Заслаўскі.
Хворага Мітрапаліта Філарэта адправілі на адпачынак, а замест яго прыслалі епіскапа з Разані Паўла. Гэта абурыла многіх: РПЦ зноў паставіла ў Мінск не беларуса. А плюс да ўсяго інтэрнэт адразу абляцела інтэрв’ю Паўла, дзе ён гразіўся амерыканцам «адкрыць чарнобыльскі кранік». Вось такія першыя ўражанні былі пра іерарха.
Напрыканцы мінулага года епархіяльны сход ставіў пытанне аб самакіраванасці БПЦ. Тэму падымаў сам Мітрапаліт. Самакіраванасць давала б магчымасць унутры Беларусі выбіраць новага кіраўніка царквы. Дэлегаты сходу падтрымалі такую прапанову. Аднак літаральна праз пару тыдняў Павел паведаміў, што гэтая прапанова адхіленая.
Мітрапаліт Павел па-ранейшаму не памяняў грамадзянства (у яго расійскае), а таксама не выступае публічна па-беларуску.
Цытата
«Я як той цюцька: усё разумею, але сказаць не магу».
Пра беларускую мову, студзень 2015.
Аб’ектыўка
Нар. у 1952 у Карагандзе ў сям’і рабочых. Адслужыў у арміі, трохі папрацаваў слесарам. У 1973—1976 вучыўся ў Маскоўскай духоўнай семінарыі. У 1980 скончыў Маскоўскую духоўную акадэмію са ступенню кандыдата багаслоўя. Ад 1979 года працаваў, як і Філарэт, у Аддзеле замежных царкоўных зносінаў. Ад 1992 да 1999 быў прызначаны епіскапам Зарайскім, які кіраваў патрыяршымі прыходамі ў ЗША і часова ў Канадзе. У 1999 годзе прызначаны епіскапам Венскім і Аўстрыйскім. У 2001 годзе ўзведзены ў сан архіепіскапа з тытулам Венскі і Будапешцкі. У 2011 стаў мітрапалітам Разанскім. У снежні 2013 пераведзены прадстаяцелем БПЦ.
* * *
Таксама чытайце:
Пяць фактаў пра мітрапаліта Паўла
* * *
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
Каментары