Аматарскія «Крумкачы» ўпершыню ў гісторыі заваявалі пуцёўку ў вышэйшую лігу чэмпіянату Беларусі ФОТАРЭПАРТАЖ
Фота Сяргея Гудзіліна
У матчы 30-га тура першай лігі чэмпіянату Беларусі напалову аматарскі клуб «Крумкачы» на сваім полі абыграў магілёўскі «Дняпро» (2:0).
Гаспадары забілі мячы на 74-й і 76-й хвілінах. За некалькі хвілін да першага гола аматары футбола засталіся без інтэрнэт-трансляцыі матча на сайце федэрацыі футбола: мяч трапіў у апаратуру.
Фота Сяргея Гудзіліна
У 2014 годзе «Крумкачы» падалі заяўку ў другую лігу і адразу выйшлі ў першую. Каб патрапіць у вышэйшую лігу камандзе, якую цяпер трэніруе вядомы беларускі спецыяліст Алег Дулуб, таксама хапіла аднаго сезону.
Раней пуцёўкі ў вышэйшую лігу заваявалі «Гарадзея» і «Іслач». Праз тое, што ў наступным сезоне топ-дывізіён пашыраецца з 14 да 16 каманд, яго пакінула толькі адна каманда («Гомель»).
Каментары