Улада1111

Топ-7 апазіцыйных кандыдатаў, якія маглі б перамагчы ў рэгіёнах

«Наша Ніва» ўважліва прагледзела спісы імаверных кандыдатаў у дэпутаты палаты прадстаўнікоў у рэгіёнах краіны. Хто б з апазіцыйных кандыдатаў пры справядлівай барацьбе мог змагацца за праход у парламент?

1. Алена Анісім (ТБМ – акруга №70 «Стаўбцоўская»)

Летась усур’ёз разглядаўся варыянт, што Алена Анісім будзе вылучана кандыдатам у прэзідэнты ад Таварыства беларускай мовы, аднак у апошні момант ад такой ініцыятывы было вырашана адмовіцца. Анісім працуе ў Інстытуце мовазнаўства імя Якуба Коласа пры Акадэміі навук. Супернікам Анісім будзе дырэктар Нясвіжскага дзяржаўнага каледжа Алена Жураўлева. Цікава, што нясвіжскі каледж таксама носіць імя Якуба Коласа. Стаўбцоўшчына – радзіма вялікага паэта.

2. Вольга Дамаскіна (Рух «За Свабоду» – акруга №27 «Полацкая гарадская»)

Удзел у выбарчай кампаніі для спадарыні Дамаскінай каштаваў працы. Апошнія чатыры гады яна працавала загадчыцай у філіяле Нацыянальнага Полацкага гісторыка-культурнага музею-запаведніку — Музеі традыцыйнага ручнога ткацтва Паазер'я. Калі стала вядома, што Дамаскіна хоча ісці парламент, то дырэктарка музею Тамара Джумантаева паведаміла, што кантракт з супрацоўніцай болей падаўжацца не будзе. Кампанія Вольгі Дамаскінай у Полацку праходзіць вельмі актыўна.

3. Андрэй Дзмітрыеў («Гавары праўду» – акруга №71 «Дзяржынская»)

Лідар «Гавары праўду» амаль кожны дзень у сваім фэйсбуку посціць уражанні ад сустрэч з людзьмі, паездкі па вёсках Дзяржынскага раёна. Смела можна казаць, што кампанія Дзмітрыева – адна з найбольш раскручаных. Прынамсі людзі дакладна павінны запомніць гэтага кандыдата.

4. Сяргей Калякін («Справядлівы свет» – акруга №25 «Аршанская гарадская»)

Кіраўнік партыі апазіцыйных камуністаў Сяргей Калякін прыняў рашэнне балатавацца не ў сталіцы, а ў Оршы. Калякін кажа, што ставіць за мэту процістаянне фальсіфікацыям, а таксама жадае вярнуць людзям пачуццё ўласнай годнасці. Калякін ужо перамагаў на парламенцкіх выбарах, ён быў дэпутатам Вярхоўнага савета XIII склікання.

5. Іван Шэга (БНФ – акруга №58 «Слонімская»)

Незалежныя экзіт-полы давалі, што Іван Шэга перамагаў на выбарах 2008 года ў Слоніме. Нават паводле афіцыйных дадзеных, Шэгу напісалі амаль 30%. У Слоніме ён карыстаецца павагай, Шэга — шанаваны лекар-траўматолаг. З працы яго звольнілі як толькі споўнілася 60 гадоў, хаця кваліфікаваных траўматолагаў не мелі. Тым не менш, Шэга заснаваў прыватнае прадпрыемства «Шэгамедкансультант».

6. Андрэй Юркоў (Рух «За Свабоду» – акруга №82 «Горацкая»)

На выбарах-2012 Андрэй Юркоў перамагаў падчас галасавання ў асноўны дзень, але саступаў сярод тых, хто прагаласаваў датэрмінова. Тое самае было і ў 2008. Юркоў – моцны рэгіянальны лідар, пра яго ведаюць жыхары Горацкага і Дрыбінскага раёна, яму давяраюць. Цяпер Юркоў працуе спецыялістам па маркетынгу ў сельскагаспадарчай акадэміі.

7. Ірына Яскевіч (АГП – акруга №20 «Віцебская-Кастрычніцкая»)

Адна з самых смелых прадпрымальніц краіны. Яскевіч не з тых, хто адседжваецца і чакае, а заўсёды рашуча дзейнічае. Яе ведаюць улады не толькі ў родным Віцебску, але і Мінску. Яскевіч актыўна спрабуе дагрукацца да людзей, хоць і прызнае, што большасць ставіцца да выбараў абсалютна абыякава.

* * *

Чытайце таксама:

Топ-10 апазіцыйных кандыдатаў у дэпутаты, якія маглі б перамагчы ў Мінску

Каментары11

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць