Сваю новую калекцыю «Марк Фармэль» прэзентавалі з дапамогай фрыкаў, якія гулялі ў метро і па «Камароўцы» ФОТЫ
Пра сваю новую калекцыю La Dolce Vita кампанія Mark Formelle вырашыла заявіць нестандартна: лукбук для яе здымаўся сярод жыхароў Мінска на «Камароўцы», у гарадскім транспарце, гандлёвых цэнтрах і іншых папулярных месцах.
Гэтая калекцыя адзення створаная ў калабарацыі з крэатыўным дырэктарам брэнда дызайнерам з Італіі Лучана Парызі.
Пра тое, што ён стане крэатыўным дырэктарам кампаніі і выпусціць калекцыю ўнісэкс, стала вядома восенню мінулага года, і вось цяпер яе ўбачылі першыя жыхары Беларусі.
Чаму менавіта ўнісэкс? Італьянскі дызайнер тлумачыць гэта наступным чынам:
«У гэтай калекцыі зроблена стаўка на ўнісэкс. Зараз увесь стрытстайл пабудаваны на гэтым. Мужчыны і жанчыны мяняюцца вобразамі, і гэта глабальны трэнд. Тое, што ёсць у нашым адзенні, — ужо не навіна для еўрапейскага або амерыканскага рынка. Але для Беларусі гэта прарыў. Мы зрабілі тое, чаго ў вашай краіне пакуль няма», — тлумачыць Лучана Парызі.
Новая калекцыя паступіць у продаж неўзабаве пасля яе афіцыйнай прэзентацыі 23 сакавіка, але знайсці яе можна будзе толькі ў самых буйных крамах «Марк Фармэль».
Чытайце таксама:
Вогненны вобраз новага крэатыўнага дырэктара «Марк Фармэль» Лучана Парызі
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары