Трамп палохае Маскву атамнымі падлодкамі — эксперты баяцца новага Карыбскага крызісу
Прэзідэнт ЗША абвясціў пра перакідку дзвюх атамных падводных лодак у раёны, блізкія да Расіі. Гэта адказ на нядаўнія пагрозы былога прэзідэнта Расіі Дзмітрыя Мядзведзева, які назваў ультыматум Трампа па Украіне «крокам да вайны».
На сваёй платформе Truth Social Трамп напісаў, што адказвае на «надзвычай правакацыйныя» словы Мядзведзева.
Гэты крок аналітыкі ўспрынялі як паварот Трампа ад ранейшага збліжэння з Крамлём. Яшчэ на старце свайго прэзідэнцкага тэрміну ён называў Уладзіміра Пуціна «добрым сябрам», цяпер жа яго рыторыка нагадвае часы халоднай вайны.
«Мядзведзеў кожныя некалькі месяцаў пагражае разбурыць амерыканскія гарады, а мы пастаянна гэта ігнаруем, таму рэакцыя Трампа — гэта даўно чаканае змяненне. Сёння і ў ЗША, і ў Расіі ёсць атамныя падводныя лодкі, размешчаныя недалёка ад межаў адна адной. Больш важным з'яўляецца новы тон Трампа ў рэагаванні на пагрозы», — заявіў у размове з Bild амерыканскі эксперт па знешняй палітыцы Джонатан Крыстал.
У той жа час былы супрацоўнік Пентагона Джым Таўнсэнд у інтэрв’ю Wall Street Journal заявіў, што «перамяшчэнне падводных лодак, безумоўна, пагаршае сітуацыю».
Спецыялісты па ядзернай бяспецы баяцца, што ў такой напружанай абстаноўцы нават выпадковая памылка можа прывесці да катастрофы. Доктар Алена Пятрова з Atlantic Institute назвала гэта «вельмі небяспечным момантам».
«Калі гаворка ідзе аб атамнай зброі, словы могуць мець рэальныя наступствы», — дадала яна.
У адказ на балбатню Мядзведзева Трамп загадаў перамясціць ядзерныя падводныя лодкі
Джо Байдэн сказаў пра цёмныя часы, якія пагражаюць Амерыцы з-за Трампа
Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну
Трамп назваў Мядзведзева «былым прэзідэнтам-няўдачнікам» і параіў сачыць за словамі
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў20
Каментары
_______ на зарплаце ў масквы