МУС Беларусі пра ЛГБТ-сцяг на пасольстве Вялікабрытаніі: Яны не пройдуць!
У МУС Беларусі шкадуюць аб тым, што 17 мая над пасольствам Вялікабрытаніі быў вывешаны вясёлкавы сцяг. Ведамства лічыць, што такая ініцыятыва можа «стварыць праблемы там, дзе іх не існуе».
На думку МУС, 17 мая (міжнародны дзень барацьбы з гамафобіяй) ніколі ў нашай краіне не з'яўляўся і не з'яўляецца нейкім памятным і значным. І прычына, як лічыць МУС, відавочная:
— Пераважная большасць беларусаў прытрымліваецца традыцыйных сямейных каштоўнасцей, у тым ліку хрысціянскіх. А заявы падобнага роду — выклік гэтым каштоўнасцям.
МУС лічыць, што «прадстаўнікі аднаполых адносін» люта адстойваюць сваю пазіцыю насуперак асновам і традыцыям, а аднаполыя адносіны ведамства называе «падробкай»:
— ЛГБТ-супольнасць, і ўся гэтая барацьба за «свае правы», і сам дзень супольнасці — усяго толькі падробка!
Скончыла ведамства свой каментар словамі:
— Мы — за сапраўднае, яны не пройдуць!
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі18
Каментары