Як атрымаць выдатны смак пельменяў, катлет, пірагоў? Выкарыстоўваць якасныя прадукты і выконваць тэхналогію. Менавіта такога прынцыпу прытрымліваюцца пры вытворчасці вядомых на ўсю краіну пельменяў «Мясныя падушачкі». Гэта смачны натуральны прадукт незвычайнай квадратнай формы з асаблівай рэцэптурай і павялічанай доляй свежага мяса ад Брэсцкага мясакамбіната.
Асартымент «Мясных падушачак» разнастайны: «Хатнія», «Класічныя», «З ялавічынай», «З цяляцінай», «З сырам», «З грыбамі», «Баярскія», «З філе індычкі», міні-падушачкі «Пацешкі» і — з новага — міні-падушачкі «Вясёлыя індычаняты».
Арыгінальную рэцэптуру распрацоўвалі тэхнолагі прадпрыемства. Яны пастараліся наблізіць яе да хатніх рэцэптаў, у якіх гаспадыні выкарыстоўваюць толькі натуральныя інгрэдыенты. Гэта не проста пельмені прамысловай вытворчасці — гэта прадукцыя больш высокай якасці.
Галоўны сакрэт смаку «Мясныхпадушачак» — якаснае мяса. Для прыгатавання фаршу выкарыстоўваецца астуджанае, а не замарожанае мяса.
Працэс падрыхтоўкі пельменяў пачынаецца з падрыхтоўкі мяснога фаршу. У сыравінным аддзяленні свіныя і ялавічныя тушы раскрыжоўваюць, абвальваюць, затым жылуюць — падзяляюць мяса па гатунках.
У гэты ж час ідзе падрыхтоўка астатніх інгрэдыентаў: у аддзяленні ачысткі гародніны мыюць і наразаюць свежую цыбулю і часнок, паралельна ў спецыяльным аддзяленні збіраюць натуральныя спецыі.
Пасля таго як астуджанае мяса разабралі, яго адпраўляюць на кантрольнае ўзважванне, а затым у кутар на драбненне разам з гароднінай, натуральнымі спецыямі і соллю. У кутары ўсе інгрэдыенты даводзяць да аднароднай кансістэнцыі на працягу чатырох хвілін. Каб захаваць карысныя якасці мяса, у пельменным цэху пастаянна падтрымліваецца тэмпература на ўзроўні +12 градусаў.
«Асаблівасць вытворчасці нашых пельменяў у выкарыстанні астуджанага мяса. Гэта дазваляе нам атрымаць смачныя і сакавітыя пельмені. У склад уваходзяць і натуральныя інгрэдыенты: цыбулю, часнок, чорны перац — усё тое, што выкарыстоўваюць гаспадыні дома. Гэта дазваляе нам атрымаць прадукт, любімы ўсімі», — адзначае Алёна Бахур, намеснік генеральнага дырэктара па вытворчасці Брэсцкага мясакамбіната.
Затым гатовы фарш адпраўляецца ў аддзяленне фармоўкі. Цеста для пельменяў робяць гэтак жа старанна, як і начынне. У яго склад уваходзіць мука вышэйшага гатунку, вада, соль і аліўкавы алей. На вымешванне сыходзіць 15 хвілін, затым фармуюцца тонкія пласты цеста.
Ідэальна квадратную форму «Мясныя падушачкі» атрымліваюць дзякуючы італьянскай лініі абсталявання. Раскочанае цеста рухаецца па верхняй і ніжняй лініях, каб потым злучыцца ў падушачку з дапамогай фармавальных барабанаў. Аператары ўважліва сочаць, каб пельмені не былі пустымі, іх краі ідэальна склеіліся, а цеста не парвалася. Калі нешта пайшло не так — падушачкі адбракоўваюць.
Пасля гатовыя пельмені праязджаюць па канвеернай стужцы ў хуткамаразільнік. Там яны правядуць 15—20 хвілін пры тэмпературы -30 градусаў, каб астудзіцца. Замарожаная прадукцыя адпраўляецца ў аддзяленне фасоўкі, дзе ў аўтаматычным рэжыме ідзе ўзважванне і ўпакоўка ў пачкі.
Гатовая прадукцыя ўкладаецца ў кардонныя скрынкі, на кожную з якіх наляпляецца інфармацыя аб прадукце: дата вытворчасці, тэрмін прыдатнасці і нумар змены. Кожную партыю правяраюць спецыялісты аддзела вытворча-ветэрынарнага кантролю. Толькі пасля гэтага скрынкі адпраўляюць у камеры захоўвання, а на наступны дзень фірмовы транспарт развозіць гатовую прадукцыю па ўсёй краіне.
Каментары